كولۋمبيا جاساندى ينتەللەكت ارقىلى ەلدىڭ جالپى ىشكى ءونىمىن ارتتىرماق
استانا. KAZINFORM - كولۋمبيا بيلىگى ەلدىڭ جالپى ىشكى ءونىمىن 6,8 پايىزعا جەتكىزۋ ءۇشىن اۋىل شارۋاشىلىعى سالاسىنا جاساندى ينتەللەكت ەنگىزدى، دەپ حابارلايدى TV BRICS.
كولۋمبيانىڭ اقپاراتتىق تەحنولوگيالار جانە كوممۋنيكاتسيالار مينيسترلىگى وسى سالاداعى ءساتتى پيلوتتىق جوبالار تۋرالى حابارلادى. ماسەلەن، باررانكيليا قالاسىندا سۋدىڭ ساپاسىن ولشەيتىن پروتوتيپتەر قولدانىلادى. باسقا ايماقتاردا ج ي توپىراق سيپاتتامالارىن، سونىڭ ىشىندە رن دەڭگەيىن تالداۋ ءۇشىن، ەگىن ونىمدىلىگىن وڭتايلاندىرۋ ءۇشىن قولدانىلادى.
سونىمەن قاتار، ۆەدومستۆو فەرمەرلەرگە ناقتى ۋاقىتتاعى دەرەكتەر، نۇسقاۋلار جانە رەسۋرستارمەن قامتاماسىز ەتەتىن Campo Innova قولدانباسىن ازىرلەدى. سيفرلىق پلاتفورما بىلىممەن الماسۋدى جەڭىلدەتۋگە جانە شالعايداعى قاۋىمداستىقتارعا اگروتەحنولوگيالىق وزىق شەشىمدەرگە قول جەتكىزە الاتىنداي اۋىلدىق بايلانىستى جاقسارتۋعا باعىتتالعان.
اقپارات اگەنتتىگىنىڭ مالىمەتىنشە، كولۋمبيا اۋىل شارۋاشىلىعىنا جي ەنگىزۋ ارقىلى ءوزىن تۇراقتى يننوۆاتسيادا كوشباسشى رەتىندە كورسەتىپ، فەرمەرلەرگە جىلدام وزگەرەتىن الەم قيىندىقتارىنا قارسى تۇرۋ قۇرالدارىن ۇسىنىپ جاتىر.
بۇعان دەيىن حابارلاعانىمىزداي، جىل باسىنان بەرى 1,3 ميلليون قازاقستاندىق وزبەكستانعا ساياحاتتاپ بارعان.
