«كوكتوبە» تەلەمۇناراسىنا جارىق بەرۋ كەستەسى وزگەرەدى

 20- جەلتوقساننان باستاپ «كوكتوبە» تەلەمۇناراسىنىڭ مۋلتيمەديالىق جارىقتاندىرۋى كۇن سايىن ساعات 17:00 دەن 01:00 گە دەيىن قوسىلادى، ال 01:00 دەن 05:00 گە دەيىن عيماراتتىڭ قاسبەتى نەگىزگى جارىقپەن جارقىرايدى. بۇعان دەيىن تەلەمۇنارانىڭ ساۋلەتتىك- كوركەم جارىقتاندىرۋى ساعات 20:00 دە قوسىلاتىن، - دەپ حابارلادى قالالىق اكىمدىكتەن.

قالانىڭ باستى سيمۆولى ءارى كورىكتى ورنى مەرەكەلىك جارىق شامدارمەن بەزەندىرىلەدى.

ايتا كەتەيىك، بيىكتىگى 370 مەتردەن اساتىن تەلەمۇنارا 185 TLOS- H پروجەكتورى ءارتۇرلى ساۋلە تاراتۋ بۇرىشتارىمەن جابدىقتالعان. سونداي- اق، قۇرىلىمنىڭ 10 دەڭگەيىن جارىقتاندىراتىن LED مودۋلدەرى بار جارىق سىزىقتارىنان تۇراتىن مەديافاسادپەن قامتاماسىز ەتىلگەن.

وسىعان دەيىن «كوكتوبە» تەلەمۇناراسىندا جارىقتاندىرۋ تەحنولوگياسى قالاي جۇمىس ىستەيتىنى تۋرالى جازعان ەدىك.

ايتا كەتكەن ءجون، وسىعان ۇقساس تەحنولوگيا نيۋ- يوركتەگى Empire State Building عيماراتىن جانە دۋبايداعى بۋردج- حاليفا ءزاۋلىم عيماراتىن جارىقتاندىرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى