كوكتەمدە مۇزعا شىعۋ اسا قاۋىپتى - قۇتقارۋشىلار ەسكەرتۋ جاسادى
وسكەمەن. KAZINFORM - شىعىس قازاقستان وبلىسىنىڭ قۇتقارۋشىلارى ءوڭىر حالقىنا كوكتەمدە مۇزعا شىعۋ قانشالىقتى قاۋىپتى ەكەندىگىن ءتۇسىندىردى.
كوكتەم شىعىپ، كۇن جىلي باستاعاندا مۇزعا شىعۋ قاۋىپتى بولا تۇسەدى. سەبەبى ەري تۇسكەن مۇز بەرىكتىگىن جوعالتادى.
- ەڭ نەگىزگى قاۋىپ -مۇزدىڭ بىركەلكى ەرىمەۋى. ءبىر جاعىنان كۇن ساۋلەسى، جىلى جەل مەن اۋا رايىنىڭ جىلىنۋى مۇزدىڭ جۇقارۋىنا اكەلەدى. ال كەيبىر جەرلەردە مۇز كەرىسىنشە قالىڭ بولىپ كورىنەدى. ال بىرنەشە مەتردەن كەيىن سول مۇز وتە جۇقا بولىپ كەتۋى مۇمكىن. مۇنداي مۇز سىقىرلاماستان لەزدە وپىرىلىپ تۇسەدى، - دەپ حابارلادى شقو ت ج د.
اسىرەسە قاۋىپتى جەرلەر-وزەن ساعالارى، جاعالاۋلار، بۇلاق كوزدەرى.
- قاۋىپسىزدىك ءارقاشان ءبىرىنشى ورىندا بولۋى كەرەك. مۇزدا سەرۋەندەيمىن دەپ ومىرىڭىزگە قاۋىپ توندىرمەڭىز، - دەپ ەسكەرتتى قۇتقارۋشىلار.
