كوكتەمدە اۋا رايى قانداي بولادى

سينوپتيكتەردىڭ بولجامى بويىنشا، ناۋرىز-مامىر ايلارىندا قازاقستان اۋماعىندا تەمپەراتۋرالىق فون ادەتتەگىدەن جىلىراق، ياعني نورمادان 1-2 گرادۋسقا جوعارى بولادى. الايدا بۇل رەتتە اۋا تەمپەراتۋراسى تومەن كەزەڭدەر دە بولۋى مۇمكىن.

ورتالىق ازيا ايماقتارىندا جىلۋ قارقىن العاندا جاز مەزگىلىندەي كۇن ىسىپ، اسىرەسە ءساۋىر جانە مامىر ايلارىندا وسى قۇبىلىس بايقالۋى مۇمكىن. مىسالى، بىلتىر ءساۋىر ايىنىڭ ورتاسىندا رەسپۋبليكانىڭ كوپ وبلىسىندا تەرمومەتر باعانى 22+30 + س- قا جەتكەن. كوكتەمدە جازدىڭ اۋا رايى ورناعان.

2025 -جىلدىڭ كوكتەمىندە وڭىرلەر بويىنشا جاۋىن-شاشىن مولشەرى ءارتۇرلى بولادى.

ناۋرىز ايىندا رەسپۋبليكانىڭ باسىم بولىگىندە نورمادان كوپ، ەلدىڭ وڭتۇستىك-باتىس جارتىسىندا (ماڭعىستاۋ، قىزىلوردا، تۇركىستان، جامبىل وبلىسىنىڭ سولتۇستىك- باتىسىندا، اقتوبە جانە ۇلىتاۋ وبلىستارىنىڭ وڭتۇستىگىندە) نورماعا جۋىق جاۋىن-شاشىن بولجانادى.

ءساۋىر ايىندا رەسپۋبليكانىڭ باسىم بولىگىندە بولجام قالىپتى، رەسپۋبليكانىڭ سولتۇستىك-باتىس جارتىسىندا (اقتوبە، قوستاناي، سولتۇستىك قازاقستان وبلىستارىنىڭ باسىم بولىگىندە، باتىس قازاقستان وبلىسىنىڭ سولتۇستىك- شىعىسىندا جانە اقمولا وبلىسىنىڭ سولتۇستىك- باتىسىندا) نورمادان ارتىق بولادى دەپ بولجانىپ وتىر.

مامىر ايىندا قازاقستان اۋماعىنىڭ باسىم بولىگىندە نورماعا جۋىق، ەلدىڭ وڭتۇستىك-باتىس بولىگىندە جانە ورتالىعىندا (ماڭعىستاۋ، ۇلىتاۋ، قاراعاندى وبلىستارىندا، قىزىلوردا وبلىستارىنىڭ باسىم بولىگىندە، اقتوبە وبلىسىنىڭ وڭتۇستىگىندە، تۇركىستان، جامبىل جانە الماتى وبلىستارىنىڭ سولتۇستىگىندە) نورمادان از بولۋى مۇمكىن.

مامىر ايىندا نورما قيىر سولتۇستىك-باتىستا، ەلدىڭ وڭتۇستىگىنىڭ، وڭتۇستىك-شىعىسىنىڭ، شىعىسىنىڭ تاۋلى، تاۋ بوكتەرلى اۋداندارىندا (باتىس قازاقستان، اقتوبە، قوستاناي، سولتۇستىك قازاقستان وبلىستارىنىڭ سولتۇستىك-باتىسىندا، سونداي-اق ەلدىڭ وڭتۇستىگى مەن وڭتۇستىك- شىعىسىنىڭ، شىعىسىنىڭ تاۋلى جانە تاۋ بوكتەرلى اۋداندارىندا) جاڭبىر كوبىرەك جاۋادى.

سينوپتيكتەر كوكتەمدە اۋا تەمپەراتۋراسى كۇرت قۇبىلۋى مۇمكىن ەكەنىن ەسكەرتەدى. كەي جەرلەردە قار جاۋادى، اسىرەسە سولتۇستىك وبلىستاردا، سونداي-اق اركتيكالىق اعىندار كەزىندە بوران بولىپ، كۇن كۇرت سۋىتۋى مۇمكىن. دەگەنمەن وڭتۇستىك اۋا اعىندارىنىڭ كۇشەيۋىمەن، اسىرەسە ءساۋىر جانە مامىر ايلارىندا تەمپەراتۋرا بىردەن جوعارىلاپ، ىسۋى مۇمكىن. وسىلايشا، 2025 -جىلى ءساۋىر ايىنىڭ ورتاسىندا قازاقستاننىڭ باسىم بولىگىندە تەرمومەتر 22+، 30°+ س- قا دەيىن كوتەرىلەدى.

2025 -جىلدىڭ كوكتەمى ەلىمىزدە نەگىزىنەن جىلى بولادى. ءبىراق ارا- تۇرا سۋىق اۋا رايى بولجانادى. قار جاۋىپ، اياز بولۋى مۇمكىن، سونداي- اق ىستىق اۋا رايى ەرتە باستالۋى مۇمكىن.

جاۋىن-شاشىن اركەلكى تارالادى: سولتۇستىك وبلىستاردا ىلعال كوبىرەك، وڭتۇستىك جانە ورتالىق ايماقتاردا از بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى