كوكشەتاۋدا ادام بوپسالاۋمەن اينالىسقان كۇدىكتى ۇستالدى
كوكشەتاۋدا ادام بوپسالاۋمەن اينالىسقان، بۇرىن سوتتى بولعان 39 جاستاعى كۇدىكتى ۇستالدى، دەپ حابارلايدى Kazinform ءتىلشىسى Police.kz سىلتەمە جاساپ.
كۇدىكتى تانىسىنان 400 مىڭ تەڭگە اقشا تالاپ ەتەتىنى جانە ول باس تارتقان جاعدايدا فيزيكالىق زورلىق-زومبىلىق جاسايمىن دەپ قاۋىپ توندىرەتىندىگى بەلگىلى بولدى.
كۇدىكتىنىڭ بۇرىن بىرنەشە رەت سوتتالعانى، بىرنەشە جىل بۇرىن باس بوستاندىعىنان ايىرۋ ورىندارىنان بوساتىلعانى جانە رەسمي تۇردە ەش جەردە جۇمىس ىستەمەيتىنى انىقتالدى.
جەكە ءتىنتۋ كەزىندە قۇقىق قورعاۋ ورگاندارى ۇستالعان ادامنان اقشا، سۋىق قارۋ، سونداي-اق سينتەتيكالىق ەسىرتكىگە ۇقساس زات تاركىلەدى. تىيىم سالىنعان زاتتىڭ قۇرامى مەن سالماعىن ساراپتاما انىقتايتىن بولادى.
- قىلمىستىق كودەكستىڭ 194-بابى 2-بولىگى بويىنشا سوتقا دەيىنگى تەرگەۋ امالدارى باستالدى. كۇدىكتى ۇستالىپ، ۋاقتىشا ۇستاۋ وقشاۋلاعىشىنا قامالدى، - دەلىنگەن ۆەدومستۆونىڭ مالىمەتىندە.
ايتا كەتسەك، بۇدان بۇرىن شۋچەدەگى ستۋدەنت ولىمىنە بايلانىستى سۋيتسيدكە يتەرمەلەۋ جانە اقشا بوپسالاۋ بويىنشا ەكى ءىس قوزعالعانىن جازعان ەدىك.
