كوكباي اۋىلىنىڭ تۇرعىنى ەت سۇرلەۋدىڭ ەرەكشە ءادىسىن بىلەدى
استانا. قازاقپارات- اباي اۋدانىنىڭ كوكباي اۋىلىنىڭ تۇرعىنى ەت سۇرلەۋدىڭ ەرەكشە ءادىل-تاسىلدەرىن بىلەدى، دەپ حابارلايدى 24KZ.
ەت ساقتاۋعا ارنالعان ارنايى شوشالاسى دا بار. جارقىن جاۋكەن، بۇدان بولەك، ورمە ونەرىن دە جەتىك مەڭگەرگەن. تاسپا ءتىلۋدى اۋىل بالالارىنا ۇيرەتەدى.
جارقىن تۇرسىنعالي ۇلى ەتتى ەكى ادىسپەن سۇرلەيدى. ءبىرى، مىناداي كەپتىرۋ ارقىلى. ال ەكىنشىسى، ىستاۋ ارقىلى. ەتتى بابىنا كەلتىرە سۇرلەۋ ءۇشىن ءوز قولىمەن مىناداي شوشالا سالعان. شوشالادا نەگىزىنەن ىستالعان ەت ساقتالادى. جارقىن جاۋكەن مۇنداعى ەتتى سۋىق كۇيىندە ىستاۋ ادىسىمەن سۇرلەيدى. باستى تالاپ، بولمە ءىشى سالقىن ءارى ءبىرقالىپتى تەمپەراتۋرا بولۋى كەرەك.
جارقىن جاۋكەن، كوكباي اۋىلىنىڭ تۇرعىنى:
- ەتتى ىستايمىن دەپ مۇنىڭ ىشىنە جىلۋ كىرگىزۋگە بولمايدى. جىلۋ كىرگىزسە، ەت ءبۇلىنىپ كەتەدى. سوندىقتان ءبىرقالىپتى تەمپەراتۋرادا ساقتايمىز. ۇزاق ساقتالادى. دارۋمەندەرى بويىندا. ءدامدى. سۇرانىسقا يە ۇلتتىق تاعامداردىڭ ءبىرى عوي ءسۇر ەت.
كوكباي اۋىلىنىڭ تۇرعىنى كوبىنە جىلقى مەن قوي ەتىن سۇرلەيدى. ەرەكشە ادىسپەن ازىرلەنگەن ەتكە قۇدا تۇسۋشىلەر كوپ. «كەيدە جىلىنا 3-4 باس مال سويۋعا تۋرا كەلەدى»، - دەيدى ول.
ساكەن مەدەتبەك ۇلى، كوكباي اۋىلىنىڭ تۇرعىنى:
- اۋىلدىڭ ادامدارىمىز عوي. ەتتى بىزدە سۇرلەيمىز. بۇل كىسىنىڭ سۇرلەۋى بولەك، شىنىندا دا. مۇنىڭ ءدامىن تاتىپ قانا كورۋگە بولادى. ەرەكشە. ءوزىنىڭ ءتارتىبى، ءوزىنىڭ ءداستۇرى بار. ەتتى كەپتىرگەنگە كوكتەم قولايلى. ەڭ باستىسى، كۇن تۇسپەيتىن جەردە ساقتاعان ءلازىم. ال ەتتى ىستاعانعا جەمىس اعاشىن پايدالانادى.
