كەڭەس زامانىندا مۇناي وندىرۋشىلەر بىلعاپ كەتكەن جەرلەر تازارتىلىپ جاتىر

2019-جىلى «قازمۇنايگاز» بەن ق ر ەكولوگيا مينيسترلىگى ارنايى مەموراندۋمعا قول قويعان.

ول بويىنشا كومپانيا 2024-جىلدىڭ سوڭىنا دەيىن مۇنايمەن لاستانعان جەرلەردى تازالاۋ جانە بۇرىننان جينالىپ قالعان مۇناي قالدىقتارىن ۋتيليزاتسيالاۋ بويىنشا مىندەتتەمە الدى.

مەموراندۋمدى ق م گ- نىڭ «ماڭعىستاۋمۇنايگاز» ا ق، «وزەنمۇنايگاز» ا ق جانە «قاراجانباس مۇناي» ا ق سەكىلدى ەنشىلەس كومپانيالارى قولدادى.

كومپانيا جەردى تازالاپ قانا قويماي، سونىمەن قاتار رەكۋلتۆاتسيامەن اينالىسادى (توپىراقتى نورماتيۆتىك تالاپتارعا دەيىن قالپىنا كەلتىرۋ).
ق م گ- نىڭ باسقا دا ەنشىلەس ۇيىمدارى وسى جۇمىسقا اتسالىسادى.
«ەمبى مۇنايگاز» ا ق جانە «قازاق تۇرىك مۇناي» ج ش س بۇرىننان لاستانعان جەرلەردى ۋتيليزاتسيالاۋ بويىنشا جۇمىس جۇرگىزەدى.

2022-جىلى ولار كەلىسىمشارتتا كورسەتىلگەن اۋماقتا بۇرىننان مۇنايمەن لاستانعان جەرلەردى تازالاۋ جۇمىسىن اياقتادى.

ق م گ- نىڭ بارلىق ەنشىلەس ۇيىمى 2019-2022 -جىلدار ارالىعىندا 2,2 ميلليون توننا «تاريحي» مۇناي قالدىقتارىن ۋتيليزاتسيالادى، ونىڭ ىشىندە:

«وزەن مۇنايگاز» ا ق - 976 مىڭ توننا؛
«ەمبى مۇنايگاز» ا ق - 607 مىڭ توننا؛
«ماڭعىستاۋ مۇنايگاز» ا ق - 453 مىڭ توننا؛
«قاراجانباس مۇناي» ا ق - 148 مىڭ توننا؛
«قازاق تۇرىك مۇناي» ج ش س - 28 مىڭ توننا.
2023-جىلى تاعى 639 مىڭ توننا مۇناي قالدىقتارىن جويدى.
تاريحي لاستانعان جەرلەر - كەڭەس زامانىندا مۇناي ءوندىرۋ بارىسىندا پايدا بولعان ءتۇرلى قالدىق تۇرلەرىن قامتيتىن ورتاق اتاۋ (بۇرعىلاۋ قالدىقتارى، مۇناي شلامى، مازۋتپەن بىلعانعان توپىراق، مۇنايمەن لاستانعان جەرلەر).
تاريحي مۇناي قالدىقتارى ءۇيىندى تۇرىندە نەمەسە مۇنايمەن لاستانعان جەر دەگەندى بىلدىرەدى.
اۆتور
جانات قاپالبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى