ەكس-سۇيىكتىسىنەن ميلليونداعان اقشا بوپسالاعان ەر ادام قاماۋعا الىندى
ەكس-سۇيىكتىسىنەن ميلليونداعان اقشا بوپسالاعان شىمكەنتتىك قاماۋعا الىندى. Kazinform بۇل تۋرالى Polisia.kz-كە سىلتەمە جاساپ حابارلايدى.
بۇرىن بىرگە تۇرعان ەر ادامنىڭ ءوزىن قورقىتىپ جۇرگەنى تۋرالى قالا تۇرعىنى پوليتسياعا جۇگىندى. ارىزدانۋشىنىڭ ايتۋىنشا، ەر ازامات ونىڭ ينتيمدىك ۆيدەولارىن ينتەرنەتكە تاراتپاۋ ءۇشىن 20 مىڭ دوللار تالاپ ەتكەن.
كۇدىكتىنى قالالىق پ د ۇيىمداسقان قىلمىسقا قارسى ءىس-قيمىل باسقارماسىنىڭ جەدەل ۋاكىلدەرى تالاپ ەتىلگەن سومانىڭ 2 ميلليون تەڭگەسىن الۋ ۇستىندە ۇستادى. وسى جايت بويىنشا پوليتسەيلەر تەرگەۋ ارەكەتتەرىن باستادى. ۇستالعان ادام ۋاقىتشا ۇستاۋ يزولياتورىنا قاماۋعا الىندى.
قۇقىق قورعاۋشىلار مۇنداي جاعدايلاردا دەرەۋ پوليتسياعا حابارلاسۋعا كەڭەس بەرەدى.
