ەكس- شەنەۋنىك قۋاندىق بيشىمبايەۆ ءوز ايەلىن ۇرىپ ءولتىردى
استاناداعى رەستورانداردىڭ بىرىندە سوققىعا جىعىلعان ايەل ادام قايتىس بولدى، دەپ حابارلايدى Kazinform.
"بۇگىن استاناداعى باۋ رەستورانىندا 20:30 شاماسىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ ءوزىنىڭ جۇبايىن سوققىعا جىققان. ايەل ادام جەدەل جاردەم كەلگەنشە جان تاپسىردى. قازىرگى ساتتە ەكس- شەنەۋنىك ۇستالدى. وقيعا ورنىندا تەرگەۋ توبى جۇمىس جۇرگىزىپ جاتىر.
ءتارتىپ ساقشىلارى قۋاندىق بيشىمبايەۆتى ۇستاۋ كەزىندە ول وزىنە پىشاق سالماقشى بولعان. كۇدىكتى ەسىرتكىگە ماسايعان كۇيدە بولعان بولۋى ىقتيمال"، - دەپ حابارلايدى استانا قالاسىنىڭ پوليتسيا دەپارتامەنتى.
وقيعا ورنىندا ەسىل اۋدانىنىڭ پ ب جانە قالانىڭ پ د تەرگەۋ توبى جۇمىس ىستەپ جاتىر.
قازاقستان رەسپۋبليكاسىنىڭ قىلمىستىق- پروتسەستىك كودەكسىنىڭ 201-بابىنا (سوتقا دەيىنگى تەرگەپ- تەكسەرۋ دەرەكتەرىن جاريا ەتۋگە جول بەرمەۋ) سايكەس، قىلمىستىق ىسكە قاتىستى وزگە اقپاراتتار جاريالانبايدى.
