كروكۋس سيتي حولداعى تەراكت قۇرباندارىنىڭ سانى 115 كە جەتتى
استانا. KAZINFORM - پودموسكوۆەدەگى «كروكۋس سيتي حولدا» بولعان تەراكتىدە قازا بولعان قۇربانداردىڭ سانى 115 كە جەتتى. ءۇيىندى استىنان تاعى ءبىر ادامنىڭ دەنەسى تابىلدى. بۇل تۋرالى ت ا س س جازدى.
«كروكۋس سيتي حول» كونسەرت زالىندا جاسالعان لاڭكەستىك ورنىندا توتەنشە قىزمەتتەردىڭ ۇيىندىلەردى تالداۋى كەزىندە قازا تاپقانداردىڭ دەنەلەرى تابىلدى. وسىلايشا، قازىر قازا تاپقاندار سانى 115 ادامعا جەتتى. ىزدەۋ جۇمىستارى جالعاسىپ جاتىر، - دەلىنگەن رەسەي فەدەراتسياسى تەرگەۋ كوميتەتىنىڭ حابارلاماسىندا.
بۇعان دەيىن ف ق ق 11 ادامدى، ونىڭ ىشىندە «كروكۋس سيتي حولدا» شابۋىلعا تىكەلەي قاتىسى بار 4 تەرروريستىڭ ۇستالعانى جونىندە بايانداعان بولاتىن.
ەسكە سالا كەتسەك، كەشە تۇندە ماسكەۋدىڭ سولتۇستىك-باتىسىنداعى «Crocus City Hall» كونسەرت زالىندا اتىس بولىپ، كامۋفلياج كيگەن ادامدار وق جاۋدىرعان ەدى. سوڭعى مالىمەتتەرگە نازار سالساق، تەراكتىدە قازا تاپقاندار سانى 60 تان اسسا، 100 دەن اسا ادام جاراقات العان.
وسىعان بايلانىستى قازاقستان پرەزيدەنتى لاڭكەستىك ارەكەت كەزىندە ازاماتتاردىڭ قازا تابۋىنا بايلانىستى رەسەي پرەزيدەنتى ۆلاديمير پۋتينگە كوڭىل ايتتى.
سونداي-اق بۇگىن مەملەكەت باسشىسى قاسىم-جومارت توقايەۆ رەسەيدەگى لاڭكەستىك وقيعاعا بايلانىستى قابىلداناتىن شارالار تۋرالى قاۋىپسىزدىك كەڭەسىنىڭ مۇشەلەرىمەن شۇعىل جيىن وتكىزدى.
