كەرلينگتەن قازاقستان ەرلەر قۇراماسى قىرعىزستاندى جەڭدى

قازاقستان قۇراماسى ساپىندا ابىلايحان ءجۇزباي، ايدوس الليار، ءادىل جۇماعوجا جانە ارمان ەرجانوۆ ونەر كورسەتتى.

باستاپقى ەكى كەزەڭدە ەكى كوماندا ءبىر ۇپايدان ەنشىلەدى. الايدا، قازاقستاندىقتار ءۇشىنشى كەزەڭدە جاقسى ونەر كورسەتىپ، 3 ۇپاي الدى.

قىرعىزستان قۇراماسى ەسەپتى تەڭەستىرۋگە تىرىسقانىمەن، وتانداستارىمىز قاتارىنان ەكى كەزەڭدە ۇپاي ەنشىلەپ، قورىتىندى ەسەپتى 6:3 كە جەتكىزدى.

وسىلايشا، ەل قۇراماسى قازىرگى ۋاقىتتا ەكى رەت جەڭىلىپ، ەكى رەت جەڭىسكە جەتتى.

وسىعان دەيىن حابارلاعانىمىزداي، كەرلينگتەن قازاقستان ەرلەر قۇراماسى قىسقى ازيا ويىندارىنىڭ العاشقى ويىنىندا قىتايلىق تايبەيدى 10:5 ەسەبىمەن جەڭدى. ەكىنشى ماتچتا وتانداستارىمىز 1:4 ەسەبىمەن فيليپپيننەن جەڭىلىپ قالدى. ال ءۇشىنشى ماتىندا ازيا قۇرلىعىنىڭ ۇزدىگى وڭتۇستىك كورەيامەن كەزدەسىپ، 2:12 ەسەبىمەن جەڭىلىس تاپتى.

كەرلينگتەن قازاقستان قۇراماسىنىڭ كاپيتانى ابىلايحان ءجۇزباي جانە سپورتشى ەرمەك مۇساينوۆ وسىعان دەيىن Kazinform تىلشىسىنە ەكسكليۋزيۆ سۇحبات بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى