زەلەنسكيگە اقىل ايتقان الماتىلىق دەپۋتاتتىڭ ورنىنا جاڭا ادام سايلاندى

الماتى اۋماقتىق سايلاۋ كوميسسياسىنىڭ مالىمەتىنشە، سايلاۋشىلار تىزىمىنە 52015 ازامات ەنگىزىلدى.

داۋىس بەرۋگە - 7117 سايلاۋشى، داۋىس بەرۋگە ارنالعان ءۇي-جايدان تىس - 13 ادام قاتىستى.

كانديداتتاردىڭ جالپى سانى - 6.

№ 4 ءبىرمانداتتىق اۋماقتىق سايلاۋ وكرۋگى بويىنشا الماتى قالاسى ءماسليحات دەپۋتاتىن سايلاۋىندا مىناداي ناتيجە شىقتى:

ە. باكاراسوۆا - 4652 داۋىس جينادى؛

ا. مولداسانوۆقا - 640 ادام داۋىس بەردى؛

م. كۇكەتايەۆانى - 573 سايلاۋشى قولدادى؛

ج. سابرايىمعا -351 داۋىسى بەرىلدى؛

د. لاكتيۋشين - 243 داۋىس جينادى؛

ن. نوۆوسەلسيەۆا - 291؛

«بارلىعىنا قارسى» بەلگىسى بار بيۋللەتەن سانى - 203.

«سايلاۋ قورىتىندىسىمەن № 4-ءبىرمانداتتىق اۋماقتىق سايلاۋ وكرۋگى بويىنشا الماتى قالاسى ءماسليحاتىنىڭ دەپۋتاتى بولىپ ەلەنا ەۆگەنيەۆنا باكاراسوۆا سايلاندى»، - دەپ حابارلادى الماتى قالاسى اۋماقتىق سايلاۋ كوميسسياسىنان.

ايتا كەتەيىك، ەلەنا باكاراسوۆا - «كونتسەرن Bakarassov» ج ش س باس ديرەكتورى.

ايتا كەتەيىك، دەپۋتات اننا باشينسكايا ۋكراينا پرەزيدەنتى ۆلاديمير زەلەنسكيدىڭ Deutsche Welle باسىلىمىنا بەرگەن سۇحباتىنداعى قىرىمدى قايتارۋ تۋرالى مالىمدەمەسىنە «زەلەنسكي مىرزا، قىرىمنان كورى تۇركيا دۇرىس، ول جاقتىڭ اۋا رايى قولايلى» دەگەن ماعىنادا پىكىر بىلدىرگەن ەدى.

دەپۋتاتتىڭ بۇل پىكىرى الەۋمەتتىك جەلى قولدانۋشىلارىنىڭ نارازىلىعىن تۋعىزىپ، ولار دەپۋتاتتىڭ مانداتىن تاپسىرۋىن تالاپ ەتتى.

كەيىنىرەك دەپۋتات وسى پىكىرى ءۇشىن قازاقستاندىقتاردان كەشىرىم سۇرادى.

Amanat پارتياسى اننا باشينسكايانىڭ ماسەلەسى تەز ارادا ۇيىمنىڭ ءتيىستى قۇرىلىمدارىندا قارالاتىنىن حابارلادى.

سوسىن دەپۋتات مانداتىن تاپسىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى