ۋكراينا مەن ا ق ش مينەرال بويىنشا كەلىسسوز جۇرگىزدى
استانا. KAZINFORM - ۋكراينا ەكونوميكا ءمينيسترىنىڭ ورىنباسارى تاراس كاچكا باستاعان ۋكراين دەلەگاتسياسى ۋكراينانىڭ پايدالى قازبالارىن ءوندىرۋ تۋرالى كەلىسسوزدەردىڭ جاڭا كەزەڭى ءۇشىن ۆاشينگتونعا باردى، دەپ حابارلايدى BBC.
كەلىسسوز ەكى كۇنگە سوزىلادى جانە تەحنيكالىق مازمۇندا بولادى، دەپ جازادى New York Times. ۆاشينگتون كەزدەسۋدى رەسمي تۇردە جاريالاعان جوق.
دونالد ترامپ ۋكراينانىڭ ماڭىزدى پايدالى قازبالارىن (كەيدە «سيرەك جەر مەتالدارى» دەگەن تار شەڭبەردەگى تەرمينمەن اتايدى) ءوندىرۋ تۋرالى كەلىسىمدى ا ق ش- تىڭ ۋكرايناعا كورسەتكەن كومەگى ءۇشىن وتەماقى رەتىندە، ءتىپتى سول ەلدىڭ قاۋىپسىزدىك كەپىلىنىڭ ءبىر ءتۇرى رەتىندە ايتتى.
تىكەلەي قاۋىپسىزدىك كەپىلدىگى تۋرالى ەشتەڭە ايتىلماعان تاعى ءبىر كەلىسىم جوباسى ناۋرىز ايىنىڭ سوڭىندا كيەۆكە جىبەرىلدى.
رەيتەر اگەنتتىگى بۇل ماسەلەنى بىلەتىن انونيمدى دەرەككوزگە سىلتەمە جاساي وتىرىپ، ا ق ش- تىڭ ۋكراينانىڭ مينەرال رەسۋرستارىنا قول جەتكىزۋى تۋرالى كەلىسىم بويىنشا كەلىسسوزدەر «انتاگونيستىك» اتموسفەرادا وتكەنىن جازادى. اگەنتتىك دەرەككوزدىڭ قاي تاراپقا قاتىسى بارىن ناقتىلامادى.
بۇعان دەيىن بىرنەشە باق ۋكرايندىق دەرەككوزدەرگە سىلتەمە جاساي وتىرىپ، ۋكراينا ەكونوميكا ءمينيسترىنىڭ ورىنباسارى تاراس كاچكا باستاعان ۋكراينا دەلەگاتسياسىنىڭ ۆاشينگتونعا ساپارى تۋرالى حابارلاعان. ا ق ش- تىڭ قارجى مينيسترلىگى Reuters اگەنتتىگىنە تالقىلاۋلاردىڭ «تەحنيكالىق سيپاتتا» بولاتىنىن راستادى.
24-ناۋرىزدا ا ق ش پرەزيدەنتى دونالد ترامپ ا ق ش اكىمشىلىگى مەن ۋكراينا بيلىگى سيرەك جەر ەلەمەنتتەرى تۋرالى كەلىسىم بويىنشا جۇمىستى اياقتاۋعا جاقىن ەكەنىن جانە جاقىن ارادا وعان قول قوياتىنىن حابارلادى.
كيەۆ اتوم ەلەكتر ستانساسىنا ا ق ش- تىڭ باقىلاۋىنسىز جەر قويناۋى تۋرالى كەلىسىمگە قول قويۋعا دايىن ەكەنىن مالىمدەدى.
