ۋكراين قىزى «جاپون ارۋى» بايقاۋىندا جەڭىمپاز اتاندى

ول جاپونيادان تىس جەردە تۋعانىمەن قاتار، قاتىسۋشىلاردىڭ ىشىندەگى ەڭ ۇلكەنى (26 جاستا) ەدى.

ءتاجىن العان كارولينا قۋانىشتان جىلاپ جىبەردى.

«بولىپ جاتقاننىڭ ءبارى ءتۇس سياقتى» دەدى ول جاپون تىلىندە.

كارولينا 1998 -جىلى تەرنوپولدە قاراپايىم ۋكراين وتباسىندا دۇنيەگە كەلگەن.

ءبىراق كەيىن ونىڭ اناسى جاپون جىگىتىنە تۇرمىسقا شىعىپ، قىز نەبارى بەس جاسىندا ناگوياعا كوشەدى.

ول جاڭا ەلدىڭ ءتىلىن تەز مەڭگەرىپ، ءوزىن ناعىز جاپون قىزىنداي سەزىنگەنىمەن، ەسەيگەن سايىن بارلىعىنىڭ وعان وعاش قارايتىنىن ۇقتى.

كارولينا 2022 -جىلى ەل ازاماتتىعىن العان سوڭ «جاپونيا ارۋى» بايقاۋىنا قاتىسۋعا ءوتىنىش بەردى.

ءوزىنىڭ ايتۋىنشا ول مۇنى «ادامداردى سىرت كەلبەتىنە قاراي باعالامايتىن قوعام قۇرۋ» ءۇشىن جاساعان.

قالاي بولعاندا دا، كارولينانىڭ وزگە ۇلت وكىلى بولا تۇرا «جاپونيا ارۋى» اتانۋى جاپون قىزى قانداي بولۋى كەرەك دەگەن داۋعا ماي قۇيعانداي بولدى.

داۋلاسقان ەكى توپتىڭ ءبىرى كارولينانىڭ جەڭىسى «ۋاقىت بەلگىسى» دەسە، ەكىنشى تاراپ جاپونيا ارۋى باسقاشا بولۋى كەرەك دەستى.

تاعى بىرەۋلەر ۋكراين قىزىن جەڭىمپاز دەپ تاڭداۋدىڭ ساياسي استارى بار دەدى.

ءبىراق «جاپونيا ارۋى» بايقاۋىنىڭ باس ۇيىمداستىرۋشىسى اي ۆادا BBC - گە بەرگەن سۇحباتىندا تورەشىلەردىڭ كارولينانى جەڭىسكە ابدەن لايىق دەپ تاپقانىن ايتتى.

«ول جاپون تىلىندە ادەمى جانە دۇرىس سويلەيدى، ەركىن جازادى. ول جاپونعا بىزدەن گورى جاقىن»،-دەدى ۆادا.

جاپون ازاماتتىعىن العاننان كەيىن كارولينا Instagram پاراقشاسىندا «جاپونعا ۇقساماسام دا، وسى ەلدە وسكەندىكتەن جاپون مەنتاليتەتىن بويىما ءسىڭىرىپ ءوستىم» دەپ جازدى.

سيينو - «جاپونيا ارۋى» بايقاۋىنىڭ 56-شى جەڭىمپازى.

بۇل 1950 -جىلدان بەرى وتكىزىلىپ كەلە جاتقان ەلدەگى ەڭ كونە سۇلۋلىق بايقاۋى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى