كۇرە جول بويىندا بيزنەس اشقان كاسىپكەرلەردى ىنتالاندىرۋ كەرەك - پرەمەر-مينيستر

- تۋريزمدى دامىتۋ سالاسىندا قابىلدانىپ جاتقان بارلىق شارا كەشەندى تۇردە جۇرۋگە ءتيىس. وسىعان بايلانىستى تۋريزم جانە سپورت مينيسترلىگى سيفرلىق دامۋ مينيسترلىگىمەن بىرلەسىپ، 3 ايدا تۋريزمنىڭ ءبىرىڭعاي سيفرلىق ەكوجۇيەسىن قۇرۋ جونىندەگى ناقتى ءىس-شارالار جوسپارىن بەكىتۋى كەرەك. كۋرورتتىق ايماقتار مەن تابيعي پاركتەردىڭ باس جوسپارلارىن سيفرلاندىرۋعا ەرەكشە نازار اۋدارۋ قاجەت. سونداي-اق ۇلتتىق تۋريستىك پورتالعا كىرۋگە مۇمكىندىك بەرەتىن QR- كودتاردى اۋەجايلاردا، ۆوكزالدار مەن شەكارا بەكەتتەرىندە، تۋريستەر كوپ جينالاتىن جەرلەردە ورنالاستىرۋ قاجەت، − دەدى و. بەكتەنوۆ ۇكىمەتتىڭ بۇگىنگى وتىرىسىندا.

سونىمەن بىرگە ۇكىمەت باسشىسى ءوڭىر اكىمدىكتەرىنە 2 ايدا بارلىق مادەني، وقيعالىق، سپورتتىق جانە باسقا دا ءىس-شارالاردىڭ ءبىرىڭعاي كۇنتىزبەسىن بەكىتۋدى تاپسىردى.

مادەنيەت، سىرتقى ىستەر مينيسترلىكتەرىمەن بىرلەسىپ، ەل ىشىندە جانە شەتەلدەردە قازاقستاننىڭ تۋريستىك الەۋەتى تۋرالى بەلسەندى اقپاراتتىق ناۋقان وتكىزۋ كەرەك. ءوتىنىم بەرۋ راسىمدەرىن تولىعىمەن تسيفرلاندىرۋ ارقىلى Neo Nomad Visa-نى تانىمال ەتۋ قاجەت. قورىتا ايتقاندا، يكەمدى ۆيزالىق ساياسات جۇرگىزىلۋگە ءتيىس.

- ءوڭىر اكىمدەرى تۋريستىك وبەكتىلەردى قاجەتتى ينفراقۇرىلىممەن قامتاماسىز ەتۋى كەرەك. كولىك، ساۋدا، ۇلتتىق ەكونوميكا، تۋريزم مينيسترلىكتەرى مەن اكىمدىكتەر جول بويىنداعى سەرۆيستى جاقسارتۋ جۇمىستارىن جالعاستىرسىن. كۇرە جول بويىنداعى ءدامحانالار، جانارماي قۇيۋ بەكەتتەرى مەن تەحنيكالىق قىزمەت كورسەتۋ ستانتسيالارى قابىلدانعان ستاندارتتارعا ساي بولۋى كەرەك. سونداي-اق وسى بيزنەستە جۇمىس ىستەيتىن كاسىپكەرلەردى ىنتالاندىرۋ ماسەلەسىن پىسىقتاۋدى تاپسىرامىن. بۇل رەتتە تۋريستەر قاۋىپسىزدىگىن ارتتىرۋعا ەرەكشە نازار اۋدارىلسىن. بۇكىل ينفراقۇرىلىمعا - اۋەجايلاردان باستاپ قوناق ۇيلەرگە، ساۋدا نۇكتەلەرىنە، تاماقتانۋ ورىندارىنا، كونسەرت الاڭدارىنا دەيىن - قاۋىپسىزدىك پەن جايلىلىق تۇرعىسىنان ريەۆيزيا جۇرگىزىلۋى قاجەت، − دەدى پرەمەر-مينيستر.

ايتا كەتەيىك، سوڭعى 5 جىلدا قازاقستانداعى تۋريستەر سانى 7,5 ەسە ءوستى. بىلتىر ەلىمىزگە 15 ميلليوننان استام ادام ساياحاتتاپ كەلگەن.

«استانا كونسەرت» كومپانياسىنىڭ پروديۋسەرى مالىك حاسەنوۆ امەريكالىق اكتريسا جانە ءانشى دجەننيفەر لوپەستىڭ استانادا وتەتىن كونسەرتىنەن قانشا ەكونوميكالىق پايدا تۇسەتىنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى