كەن ورىندارىن سيفرلاندىرۋدا مۇنايشىلار جۇمىسسىز قالماي ما
بۇل سۇراققا ق ر ەنەرگەتيكا ۆيتسە- ءمينيسترى باقىتجان ءىلياس جاۋاپ بەردى، دەپ حابارلايدى Kazinform ءتىلشىسى.
بۇعان دەيىن ۆيتسە- مينيستر ەلدەگى مۇناي كەن ورىندارى، جانار- جانارعاماي بەكەتتەرى، مۇناي وڭدەۋ زاۋىتتارى سيفرلاناتىنىن، قازاقستاندىقتاردىڭ ەلدەگى مۇناي- گاز قورلارى مەن ءوندىرىسىن باقىلاي الاتىنىن ايتقان ەدى.
«جۇمىسسىز قالمايدى دەپ ويلايمىن. سەبەبى ءبىزدىڭ سيفرلاندىرۋ بويىنشا جوبالارىمىز مەملەكەتتىك باقىلاۋ جانە قاداعالاۋ فۋنكتسيالارىن جاقسارتۋ، جوعارىلاتۋعا باعىتتالعان. نەگە دەسەڭىز، بىزدە باستى ماقسات - ەنەرگورەسۋرستاردى سيفرلىق ەسەپكە الۋ. وسى ارقىلى بيزنەستە ەنەرگورەسۋرستىڭ وڭدەلۋىنە، تاسىمالدانۋىنا، جاراتىلۋىنا بايلانىستى وتە كوپ سالىقتىق مىندەتتەمەلەر پايدا بولادى»، - دەپ جاۋاپ بەردى ب. ءىلياس ەوردادا وتكەن بريفينگتە.
ونىڭ ايتۋىنشا، اتالعان مىندەتتەمەلەردى ۋاقىتىلى ەسەپكە الىپ، سالىق ورگاندارى كامەرالىق تەكسەرۋلەردى ءتيىمدى جۇرگىزۋى ءۇشىن بۇل ەسەپ سيفرلى تۇردە بولۋى كەرەك.
«ويتكەنى بۇگىنگى كۇنى كەيبىر بيزنەس وكىلدەرى ەسەپكە الۋ قوندىرعىلارىن قويۋدان جالتارۋ امالدارىن جاسايتىنىن بايقادىق. بۇل ەسەپ ۇكىمەتكە كەرەك، سالىقتىڭ كوبىرەك تۇسۋىنە كەرەك، جالپى حالىققا كەرەك»، - دەدى مينيسترلىك وكىلى.
