«كۇمىس جاس» باعدارلاماسىنا كىمدەر قاتىسا الادى

بۇل تۋرالى استانا قالاسى اكىمدىگىنىڭ «ەڭبەك موبيلدىلىگى ورتالىعى» ديرەكتورى ولجاس ومار ءمالىم ەتتى.

«استانادا 50 جاستان اسقان جۇمىسسىز ازاماتتارعا ارنالعان «كۇمىس جاس» باعدارلاماسى بار. كاسىبي ءوسۋ ورتالىعى جۇمىس بەرۋشىگە 50 جاستان اسقان ادامدى ەڭبەكپەن قامتىعانى ءۇشىن 3 جىل بويى سۋبسيديا تولەيدى. جالاقى كولەمى 110760 تەڭگە (30 ا ە ك)، - دەدى ولجاس ومار استانا قالاسىنىڭ كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ورتالىق باسشىسىنىڭ ايتۋىنشا، مەملەكەت جۇمىسشى جالاقىسىنىڭ %70 سۋبسيديالايدى.

«بۇل جۇيە جۇمىس ىزدەۋشى، جۇمىسپەن بەرۋشى ءۇشىن دە ءتيىمدى. ودان باسقا بىزدە قوعامدىق جۇمىستار بار. ول جەردە ادامنىڭ جاس ەرەكشەلىگى، ماماندىعى ماڭىزدى ەمەس، باستىسى جۇمىس ىستەۋگە نيەتتى بولۋى. تاعى ءبىر ماڭىزدى باعىت - كادرلاردى دايارلاۋ جانە جۇمىسسىزداردى كاسىپتىك وقىتۋ. ول باعىتتا جۇزەگە اسىرىلادى، ءبىرىنشى جۇمىس بەرۋشىلەردىڭ ءوتىنىشى بويىنشا ءبىلىم بەرۋ ۇيىمدارىندا كادر دايارلاۋ، ەكىنشى باعىتى جۇمىس ورنىندا. كاسىبي وقىتۋدىڭ ارتىقشىلىعى 32681 تەڭگە كولەمىندە تولەنەتىن شاكىرتاقى تولەنەدى»، - دەيدى.

اۆتور

باقىتگۇل اباي قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى