كەلەسى قىسقى ازيا ويىندارى قايدا وتەدى

ناقتىراق ايتساق، كەلەسى قىسقى ازيا ويىندارى 2029-جىلى ساۋد ارابياسىندا وتەتىن بولىپ بەكىتىلدى.

بۇل تۋرالى بۇگىن حاربين قىسقى ازيا ويىندارىنىڭ جابىلۋ سالتاناتىندا بەلگىلى بولدى. اتالعان شارادا حاربين قالاسىنىڭ مەرى ۆان حەشەن مەن ازيا وليمپيادا كەڭەسى ءتوراعاسىنىڭ ءبىرىنشى ورىنباسارى فوك جەنتين تۋدى ساۋد ارابياسىنىڭ ۇلتتىق سپورت كوميتەتى ءتوراعاسىنا جانە ۇلتتىق سپورت كوميتەتىنىڭ ءتوراعاسى حانزادا فەيسالعا تاپسىردى.

وسىلايشا تۇڭعىش رەت قىسقى ازيا ويىندارى باتىس ازيادا ەلىندە وتپەك.

ەسكە سالا كەتەيىك، قازاقستان قۇراماسى حاربين قىسقى ازيا ويىندارىندا 4 التىن، 9 كۇمىس، 7 قولا مەدال جەڭىپ الىپ، جالپى ەسەپ بويىنشا ءتورتىنشى ورىنعا تۇراقتادى.

بۇل جولى قىتايلىق سپورتشىلار ءوز ەلىندە وتكەن ويىنداردىڭ كوشىن باستادى. جارىس قوجايىندارى 32 التىن، 27 كۇمىس، 26 قولا مەدال جەڭىپ الدى. ال 16 التىن، 15 كۇمىس، 14 قولا يەلەنگەن وڭتۇستىك كورەيا سپورتشىلارى ەكىنشى ورىنعا جايعاسسا، ۇزدىك ۇشتىكتى جاپونيا سپورتشىلارى قورىتىندىلادى. ولاردىڭ ەنشىسىندە 10 التىن، 12 كۇمىس، 15 قولا مەدال بار.

حاربين قالاسىندا وتكەن IX قىسقى ازيا ويىندارىندا ۇزدىك ناتيجە كورسەتكەن العاشقى 5 ەل:

1. قىتاي — 85 (32-27-26)؛

2. وڭتۇستىك كورەيا — 45 (16-15-14)؛

3. جاپونيا — 37 (10-12-15)؛

4. قازاقستان — 20 (4-9-7)؛

5. فيليپپين — 1 (1-0-0)؛

5. وزبەكستان — 1 (1-0-0)؛

وسىعان دەيىن قازاقستان ەرلەر حوككەي كومانداسى قىتايدىق حاربين قالاسىندا ءوتىپ جاتقان Ⅸ قىسقى ازيا ويىندارىندا چەمپيون اتانعانىن جازدىق.

اۆتور كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى