كەلەسى جىلى الماتىدا 300 شاقىرىم جول جوندەلەدى

- الماتى قالاسىن دامىتۋ باعدارلاماسىنىڭ باسىم باعىتى شەڭبەرىندە قالانىڭ تۇراقتى كولىك يفراقۇرىلىمى قالىپتاسىپ جاتىر. بيىل 25 ك م جاڭا جول سالىندى، قۇلجا تاس جولى 6 جولاققا دەيىن كەڭەيتىلدى، 255 كوشەدە 250 ك م جولعا ورتاشا جوندەۋ جۇرگىزىلدى. سونداي-اق، 2024 -جىلى ساين -موڭكە بي كوشەلەرىندەگى جول ايىرىعى بويىنشا كولىك قوزعالىسى اشىلدى، - دەدى قالا اكىمى.

ونىڭ ايتۋىنشا، كەلەسى جىلى 35 شاقىرىم جاڭا جول سالىنىپ، 300 شاقىرىم جولعا ورتاشا جوندەۋ جۇمىستارى جۇرگىزىلەدى.

- سونداي-اق، كولىك بايلانىسىن سەيفۋللين- جانسۇگىروۆ جول ايىرىعىن، ەكى راديالدى (ساين، رىسقۇلوۆ) جانە ەكى ماگيسترالدى كوشەنى (قاجىمۇقان، تولە بي) ۇزارتۋ قامتاماسىز ەتىلەدى. بۇل جۇمىستار ساپالى جولداردىڭ ۇلەسىن 2024 -جىلعى %92 - دان 2025 -جىلى %95 - عا دەيىن ۇلعايتۋعا مۇمكىندىك بەرەدى، - دەدى ەربولات دوسايەۆ.

وسىعان دەيىن الماتىدا 2025 -جىلى اباي جانە ساين كوشەلەرىن ۇزارتۋ جۇمىستارى تولىق اياقتالاتىنى تۋرالى جازعان ەدىك.

ەسكە سالايىق، بۇعان دەيىن الماتىدا جاڭا ۇلگىدەگى كولىك تۇراقتارى پايدا بولاتىنىن جازعانبىز.

الما مۇقانوۆا

اۆتور

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى