كەلەر جىلى قازاقستاندا قانداي ىشكى جانە حالىقارالىق اۋە رەيستەرى اشىلادى

- بيىل 22 جاڭا اۋە باعىتى اشىلدى، كەلەسى جىلى تاعى 10 اۋە قاتىناسىن اشۋ جوسپاردا بار. حالىقارالىق اۋە تاسىمالىنىڭ قاتارىندا بۋداپەشت، ميۋنحەن جانە ريم بار. سونىمەن قاتار كەلەر جىلى قوسىمشا 18 ۇشاق ساتىپ الۋ جوسپارلانىپ وتىر، ال بيىل 10 ۇشاق ساتىپ الىندى، - دەدى كولىك ءمينيسترىنىڭ ورىنباسارى ماقسات قالياقپاروۆ.

سونداي-اق، ۆيتسە-مينيستر ىشكى اۋە رەيستەرىنە توقتالدى.

- ىشكى اۋە رەيستەرىن كوبىنە تۋريستىك باعىتتار بويىنشا اشۋدى جانە سۋبسيديالاۋدى جوسپارلاپ وتىرمىز. ءوتىنىمدى جەرگىلىكتى اكىمدىك بەرۋى كەرەك. قارجىلاندىرۋ كوزىن انىقتالعان سوڭ، جاڭا رەيستەر اشىلادى، جالپى ىشكى جانە حالىقارالىق اۋە رەيستەرىن اشۋ بويىنشا كەدەرگى جوق، ماسەلە قارجىعا كەلىپ تىرەلەدى، - دەيدى ول.

بۇگىن ەلوردادا «كولىك جانە لوگيستيكا نارىعى» VI حالىقارالىق كونفەرەنسياسى جانە GLOBAL Avia DAY اۋە تاسىمالدارىن دامىتۋ جونىندەگى I حالىقارالىق فورۋمى ءوتتى.

بۇعان دەيىن قازاقستاندا تاعى ەكى اۋەجايدىڭ سەنىمگەرلىك باسقارۋعا بەرىلەتىنىن حابارلاعان ەدىك.

ايتا كەتەيىك، ەلوردادا وتكەن حالىقارالىق فورۋم بارىسىندا قازاقستان، ازەربايجان جانە گرۋزيا اراسىندا ءبىرىڭعاي تەمىرجول اكىمشىلىگى قۇرىلاتىنى ايتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى