كەشە ۇستالعان پەريزات قايرات پاراسپورت فەدەراتسياسىنداعى قىزمەتىنەن الىندى
استانا. KAZINFORM - پەريزات قايرات پارا ۇستەل تەننيسى فەدەراتسياسىنىڭ پرەزيدەنتى قىزمەتىنەن بوساتىلدى، دەپ حابارلايدى اتالعان فەدەراتسيانىڭ باسپا ءسوز قىزمەتى.
«پەريزات قايراتتىڭ ۇستالۋىنا جانە تەرگەۋگە بايلانىستى، ول ۇيىمنىڭ پرەزيدەنتى قىزمەتىنەن بوساتىلدى. شەشىم 14 -قاراشادا فەدەراتسيانىڭ كەزەكتەن تىس جينالىسىندا قابىلداندى. ءبىز پاراۇستەل تەننيسىنىڭ جانە سپورتشىلارىمىزدىڭ دامۋىنا قولداۋ كورسەتە وتىرىپ، اشىقتىق پەن زاڭدىلىق قاعيداتتارىنا سايكەس جۇمىسىمىزدى جالعاستىرا بەرەمىز»، - دەلىنگەن حابارلامادا.
ۇيىمنىڭ مالىمەتىنشە، پەريزات پرەزيدەنت بولىپ تاعايىندالعاننان كەيىن بىردە-ءبىر رەسمي وتىرىس وتكىزىلمەگەن.
ەسكە سالساق، كەشە ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايرات ۇستالىپ، وعان قاتىستى تەرگەۋ جۇرگىزىلىپ جاتقانى بەلگىلى بولدى.
