كەدەن بەكەتىندە ەلگە زاڭسىز كىرگەن قىتاي كيىمدەرىنىڭ ۇلكەن پارتياسى انىقتالدى

استانادا كەدەن بەكەتتەرىنىڭ بىرىنەن جالعان كەدەن قۇجاتتارى بار جۇك ۆاگونى تابىلدى.

قۇجاتتا كورەتىلگەن گرانيتتىڭ ورنىنا ۆاگوندا قىتايدان كەلگەن كيىمدەردىڭ ۇلكەن پارتياسى تابىلدى.

اقمولا كولىك پروكۋراتۋراسىنىڭ تالابى بويىنشا جالپى قۇنى 35 ميلليون تەڭگە بولاتىن 30 توننادان استام تاۋار مەملەكەتكە تاركىلەنىپ، الەۋمەتتىك كومەك الۋ ءۇشىن بالالار مەكەمەلەرىنە بەرىلدى.
الماتى اۆياتسيالىق كولىك پروكۋراتۋراسى تاعى ءبىر ءىستى انىقتادى. اۋەجايدىڭ ۋاقىتشا ساقتاۋ قويماسىندا التى جىلدان استام ساقتالعان 2018 -جىلى دەليدەن كەلگەن فيلم جابدىقتارى بولدى.

سالماعى 7 توننا، قۇنى 2 ميلليون تەڭگەدەن اساتىن تاۋارلار كەدەندىك رۇقساتسىز قالدى.

پروكۋراتۋرانىڭ ءوتىنىشى بويىنشا سوتپەن جۇك يەسىز دەپ تانىلىپ، كەيىن مادەنيەت مينيسترلىگىنە بەرىلدى.

كونتراباندانىڭ جولىن كەسۋ جۇمىستارى جالعاسىپ جاتىر.

بۇعان دەيىن حابارلانعانداي، جامبىلدا پروكۋراتۋرا قىزمەتكەرى الاياقتىق جاسادى دەپ ۇستالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى