كەدەن بەكەتتەرىندەگى كامەرالار استاناداعى مونيتورينگ ورتالىعىنا تىكەلەي قوسىلادى

- شەكارا جانە كەدەن بەكەتتەرىندە ينتەرنەتكە قول جەتكىزۋگە قاتىستى، بۇگىندە ەلىمىزدە 102 وتكىزۋ پۋنكتى جۇمىس ىستەيدى. ولاردىڭ كوپشىلىگى بايلانىسپەن قامتاماسىز ەتىلگەن. «قولجەتىمدى ينتەرنەت» ۇلتتىق جوباسىنىڭ شەڭبەرىندە 38 ىنە تالشىقتى-وپتيكالىق بايلانىس جەلىلەرىن جۇرگىزۋ، بارلىق پۋنكتتەردى مەملەكەتتىك ورگانداردىڭ ءبىرىڭعاي كولىك جەلىسىنە قوسۋ، سونداي-اق باقىلاۋ كامەرالارىن پۋنكتتەردەن استاناداعى ءبىرىڭعاي مونيتورينگ ورتالىعىنا شىعارۋدى قامتاماسىز ەتۋ جوسپارلانىپ وتىر، - دەدى ول ۇكىمەت وتىرىسىندا جاساعان بايانداماسىندا.

سونداي-اق ول 50 وتكىزۋ پۋنكتىن ۇيالى بايلانىسپەن قامتاماسىز ەتىلەتىنىن ايتتى.

- سونىمەن قاتار، سپۋتنيكتىك ينتەرنەتتى قوسا العاندا، قوعامدىق WiFi نۇكتەلەرىن ورنالاستىرۋ جوسپارلانىپ وتىر. ال 2026 -جىلى 50 وتكىزۋ پۋنكتىن ۇيالى بايلانىسپەن قامتاماسىز ەتۋ شەكاراداعى سيفرلىق ينفراقۇرىلىمدى ايتارلىقتاي كۇشەيتەدى، - دەدى مينيستر.

ايتا كەتەيىك، كۇنى كەشە مەملەكەت باسشىسى جولداۋدا كەيبىر شەكارا جانە كەدەن بەكەتىندە ساپالى ينتەرنەت جوعىن ايتىپ، بۇل سالانى سىنعا العان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى