كاتونقاراعاي مەن زايسانعا اۋەجاي سالۋ - شالعايداعى اۋىلداردىڭ دامۋىنا سەرپىن بەرەدى - ش ق و اكىمى

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ كوشپەلى باسپا ءسوز كونفەرەنسياسىندا شىعىس قازاقستان وبلىسىنىڭ اكىمى ەرمەك كوشەربايەۆ ءمالىم ەتتى.

- شىعىس قازاقستان حالقى پرەزيدەنت قاسىم-جومارت توقايەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىنىڭ جۇزەگە اسىپ جاتقانىن بىرنەشە ماڭىزدى شەشىمدەردەن كورىپ وتىر. ۇلكەن نارىن، كاتونقاراعاي جانە مارقاكول اۋداندارى قايتا قۇرىلىپ، تاريحي ادىلدىك ورنادى. رەفورمالاردىڭ وڭ ناتيجەلەرىنە 3 جىل بۇرىن قايتا تۇلەگەن تارباعاتاي مەن سامار اۋداندارىنىڭ تۇرعىندارى دا كۋا بولدى، - دەيدى ول.

وبلىس اكىمىنىڭ ايتۋىنشا، مەملەكەت باسشىسى كاتونقاراعاي مەن زايسان اۋداندارىندا اۋەجاي سالۋ تۋرالى شەشىمى شالعايداعى اۋىلداردىڭ دامۋىنا سەرپىن بەرەدى.

- ءوڭىر ەكونوميكاسىن دامىتۋ ءۇشىن جالپى سوماسى 2032 -جىلعا دەيىن ىسكە اسىرىلاتىن 913 ميلليارد تەڭگەنى قۇرايتىن 40 ينۆەستيسيالىق جوبا ازىرلەندى. ونىڭ ىشىندەگى 10 جوبا بيىل جۇزەگە اسىرىلىپ، 478 جۇمىس ورنى اشىلدى. 2024 -جىلى وبلىس ەكونوميكاسى 6,5 پايىزعا ارتقان، - دەيدى ەرمەك كوشەربايەۆ.

تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى