كاسىپكەر ايەلدەردى قولداۋعا 16,9 ميلليون دوللار ءبولىندى
الماتى. KAZINFORM – ە ق د ب باعدارلاماسى ارقىلى كاسىپكەر ايەلدەردى قولداۋ ءۇشىن ۇكىمەتتەن 2015-2025-جىلدارعا 17 ميلليون دوللارعا جۋىق قارجى ءبولىندى.
بۇل تۋرالى باسپا ءسوز ءماسليحات بارىسىندا ەۋروپالىق قايتا قۇرۋ جانە دامۋ بانكىنىڭ قازاقستانداعى شاعىن جانە ورتا بيزنەستى دامىتۋ جوباسىنىڭ مامانى ماحاببات كابيرايەۆا ايتتى.
سپيكەردىڭ سوزىنشە، ۇكىمەت قازاقستانداعى شاعىن جانە ورتا بيزنەستى، ونىڭ ىشىندە ايەلدەر كاسىپكەرلىگىن دامىتۋعا ەرەكشە كوڭىل بولەدى.
بيزنەستەگى ارۋلار بيزنەس-يدەيالارىن جۇزەگە اسىرۋ، كومپانياسىن دامىتۋ مەن جاڭا جۇمىس ورىندارىن اشۋ ءۇشىن بەرىلگەن مەملەكەتتىك قولداۋدى ءتيىمدى پايدالانىپ جاتىر.
ودان بولەك ە ق د ب مەن قازاقستان ۇكىمەتىنىڭ «ميكروبيزنەستەگى ايەلدەر» جوباسى كاسىپكەر ايەلدەرگە بيزنەستى باسقارۋ جانە نارىقتاعى تابىستى باسەكەگە جەتۋ ءۇشىن كاسىبي ماشىقتانۋعا مۇمكىندىك بەرەدى.
«شاعىن جانە ورتا بيزنەسپەن اينالىساتىن قازاقستاندىق ايەلدەردىڭ ءبىلىمىن جەتىلدىرى ءۇشىن ۇكىمەتتەن 2015-2025 -جىلعا 16,9 ميلليون دوللار ءبولىندى. بۇل جۇمىس ىستەپ تۇرعان كىشى بيزنەستەگى قىز-كەلىنشەكتەرگە ارنالعان وقۋ باعدارلاماسى. ويتكەنى، كەيبىر كاسىپكەر ايەلدەر بەلگىلى ءبىر رەسۋرستاردىڭ شەكتەلۋىنە بايلانىستى، پروبلەمالارعا تاپ بولىپ جاتادى»، - دەدى ماحاببات كابيرايەۆا.
سونىمەن قاتار، ول كاسىپكەرلىككە جاڭادان كەلگەن قىز-كەلىنشەكتەر قانداي پروبلەماعا ءجيى ۇشىرايتىنىن ايتتى.
«بيزنەس سالاسىنا جاڭادان اياق باسقان ايەلدەر كوبىنە قارجى باسقارۋ، مامان تاڭداۋ جانە قول استىنداعى قىزمەتكەرلەرمەن ءتىل تابىسۋ بويىنشا قيىندىقتارعا تاپ بولادى. مىنە، «ميكروبيزنەستەگى ايەلدەر» جوباسى وسىنداي تۇيىتكىل دۇنيەنىڭ شەشىمىن تاۋىپ بەرەدى»، - دەيدى ول.
بۇعان دەيىن وقىتۋ قازاق جانە ورىس تىلدەرىندە ونلاين-فورماتتا 5 اي بويى وتەتىنىن جازعان ەدىك.
قاتىسۋشىلار وقۋدى كەز كەلگەن ۋاقىتتا باعدارلاما اياسىندا باستاي الادى.
كۋرس بيزنەستىڭ نەگىزگى اسپەكتىلەرىن قامتيتىن 6 مودۋلدەن تۇرادى: ماركەتينگ، ساتۋ، قارجى، جەكە باسقارۋ، وپەراتسيالىق باسقارۋ، ستراتەگيا، اۆتوماتتاندىرۋ جانە جاساندى ينتەللەكت.
