كاسپيدەن بالىق اۋلايتىن زاماناۋي كەمەلەر ساتىپ الىندى

- ماڭعىستاۋدا بالىق شارۋاشىلىعىن دامىتۋ - ءوڭىردىڭ الەۋەتتى دامۋ باعىتتارىنىڭ ءبىرى. ايماقتا بالىق وسىرۋمەن 3 كاسىپورىن اينالىسادى. ولار بيىل 11 ايدا 45,5 توننا بەكىرە تۇقىمداس جانە جايىن بالىقتارىن ءوسىردى. ماڭعىستاۋدا 30 جىل ۇزىلىستەن كەيىن كاسىبي بالىق اۋلاۋ شارۋاشىلىعىن دامىتۋدى قولعا الدىق. كەڭەس ءداۋىرى كەزىندە قارقىندى دامىپ، كەيىن توقتاپ قالعان بۇل شارۋاشىلىقتى قايتا جاڭعىرتۋ ءۇشىن ءبىرقاتار ينۆەستور تارتىلدى. بۇگىندە كاسپيدەن بالىق اۋلايتىن زاماناۋي كەمەلەر ساتىپ الىندى. كەلەر جىلى تاعى ءتورت كەمە الۋدى جوسپارلاپ وتىرمىز. وسىلايشا 2025-جىلى تەڭىزدەن 20 مىڭ تونناعا دەيىن بالىق اۋلاۋ كوزدەلىپ وتىر، - دەدى ماڭعىستاۋ وبلىسىنىڭ اكىمى نۇرداۋلەت قيلىباي ءوڭىردىڭ الەۋمەتتىك-ەكونوميكالىق دامۋى تۋرالى ەسەپ بەرە تۇرىپ.

اكىم ۇسىنعان مالىمەتكە سۇيەنسەك، 2025-2027 -جىلدارى قۇنى 12 ميلليارد تەڭگە بولاتىن 8 ينۆەستيتسيالىق جوبانى ىسكە اسىرۋ جوسپارى بار.

- ونىڭ ىشىندە ەڭ ءىرىسى - «Organic fish» سەرىكتەستىگىنىڭ تور قورشامادا بەكىرە تۇقىمداس بالىق تۇرلەرىن ءوسىرۋ جوباسى. جوبانىڭ قۋاتى جىلىنا 5 مىڭ توننا، ينۆەستيتسيالىق قۇنى 7,4 ميلليارد تەڭگە. اتالعان جوبالار ىسكە قوسىلعاندا تۇراقتى جۇمىس ورىندارى اشىلىپ، «قازاقستاندا جاسالعان» دەگەن وتاندىق برەندپەن ەل نارىعىن جەرگىلىكتى ونىممەن قامتيدى، - دەيدى وبلىس باسشىسى.

ايتا كەتەيىك، جىل باسىنان بەرى اقتاۋ پورتىنان 6,8 ميلليون توننا جۇك تاسىمالدانىپ، ءوسىم %3,5 عا ارتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى