كاسپي قۇبىر كونسورسيۋمى تابىستى جۇمىس ىستەپ تۇر - توقايەۆ
كاسپي قۇبىر كونسورتسيۋمى تابىستى جۇمىس ىستەپ تۇر. بۇل تۋرالى اقوردادا رەسەي پرەزيدەنتى ۆلاديمير پۋتينمەن كەلىسسوزدەردەن كەيىنگى باسپا سوزگە ارنالعان بريفينگتە مەملەكەت باسشىسى قاسىم- جومارت توقايەۆ ايتتى، دەپ حابارلايدى Kazinform.
«مۇنان بولەك ءبىز ەنەرگەتيكا سالاسىنداعى ىنتىماقتاستىقتى، سونداي- اق ءىرى مۇناي- گاز جوبالارىن جۇزەگە اسىرۋ بارىسىن تالقىلادىق. رەسەي گازىن وڭتۇستىك باعىتقا جەتكىزۋ جوبالارىن ودان ارى دامىتۋ، سونىمەن قاتار قازاقستان ارقىلى رەسەيلىك گازدى قىتايعا تاسىمالداۋ كولەمىن ارتتىرۋ ماڭىزدى سانالادى. بىزدەر كاسپي قۇبىر كونسورتسيۋمىنىڭ تۇراقتى جۇمىس ىستەۋىن قامتاماسىز ەتۋ ماڭىزدىلىعىن اتاپ وتتىك. وسى ورايدا رەسەي فەدەراتسياسىنىڭ پرەزيدەنتى ۆلاديمير پۋتينگە ريزاشىلىعىمدى ءبىلدىردىم. باسقاشا ايتار بولساق، ك ق ك تابىستى جۇمىس ىستەپ تۇر»، - دەدى مەملەكەت باسشىسى.
قاسىم- جومارت توقايەۆ قازاقستان مەن رەسەي تاراپى ءوزارا ءتيىمدى وندىرىستىك كووپەراتسيانىڭ كەلەشەگىن تىڭعىلىقتى قاراستىرعانىن اتاپ ءوتتى. بۇگىندە بىرلەسكەن جوبالار پۋلىنىڭ 143-كە جەتكەنىن، ينۆەستيتسيانىڭ جالپى كولەمى 33 ميلليارد دوللاردان اسىپ تۇسەتىندىگىن ايتتى.
«ۇكىمەتتەرگە ولاردى ساپالى جۇزەگە اسىر ءۇشىن جۇيەلى جۇمىستى جولعا قويۋ تاپسىرىلدى»، - دەدى پرەزيدەنت.
اۆتور
مارلان جيەمباي
