«كارمەت كومبينات» بازاسىندا جەل ەلەكتر ستانساسىنا قاجەت مەتالل ءوندىرىلۋى مۇمكىن

«كارمەت كومبيناتقا» كەلەتىن ناقتى ينۆەستوردىڭ كىم ەكەنىن ازىرگە بىلمەيمىز. ويتكەنى پروتسەدۋرالىق ماسەلەلەر ءتۇسىپ جاتىر. ءبىراق كەيىنگى ەكى جىلدا وسى كاسىپورىننىڭ جەتكىزۋشىلەرىمەن بايلانىستى وتە كوپ شاعىم بار ەكەنىن ايتقىم كەلەدى. كەيدە اقىسىن ۋاقىتىندا تولەمەيدى، كەيدە كەلىسىمنىڭ شارتىن ورىنداۋدا ماسەلە تۋىنداپ جاتادى. قازىر وسى احۋال بىرتىندەپ جاقسارىپ كەلە جاتقانىن كورىپ وتىرمىز. ۇكىمەت جاعدايدى باقىلاۋعا العان. «كارمەت؛كومبيناتتىڭ» جەتكىزۋشىلەرىمەن بايلانىستى ماسەلەلەرى جاقسارىپ كەلەدى»، - دەدى ول ازياداعى ءوزارا ءىس- قيمىل جانە سەنىم شارالارى جونىندەگى كەڭەستىڭ سەگىزىنشى بيزنەس فورۋمىندا.

ايتۋىنشا، بۇل جوباعا سونشالىقتى قوماقتى ينۆەستيتسيا دا قاجەت ەمەس.

«قازاقستاندىق مازمۇن تۋرالى ايتقانىمداي، جوبالار بار. «كارمەت كومبيناتتىڭ» سەرىكتەستەرى مەتالدىڭ جاڭا سۇرىپتارىن تالاپ ەتىپ وتىر. ونداي مەتالدى كاسىپورىن وندىرە الادى. وعان شاعىن ينۆەستيتسيا عانا قاجەت. ءبىز كەلەتىن جاڭا ينۆەستور وسىنى قولعا الادى دەپ ۇمىتتەنەمىز. مىسالى، جەل ەلەكتر ستانساسىنا قاجەت مۇنارانى جاسايتىن مەتالل قاجەت. ول مەتالل ءوندىرىسىن جولعا قويۋ ءۇشىن «كارمەت كومبيناتقا» شاعىن ينۆەستيتسيا جەتىپ جاتىر. ولار شىعارماسا، بۇل مەتالدى قىتايدان، رەسەيدەن الامىز. ءوزىمىزدىڭ الەۋەتىمىز تۇرعاندا بىزگە ول نە كەرەك؟»، - دەدى رايىمبەك باتالوۆ.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى