كانادادا يلون ماسكتى ازاماتتىقتان ايىرۋدى تالاپ ەتكەن پەتيتسيا باستالدى

كانادادا ا ق ش پرەزيدەنتى دونالد ترامپتىڭ اعا كەڭەسشىسى يلون ماسكتى ەل ازاماتتىعىنان ايىرۋدى تالاپ ەتەتىن پەتيتسيا باستالدى. حالىق ونى «ەلدىڭ ۇلتتىق مۇددەسىنە قايشى كەلەتىن ارەكەتتەرمەن اينالىسادى» دەپ سىنعا الدى.

جازۋشى كۆاليا ريد باستاعان جانە جاڭا دەموكراتيالىق پارتيانىڭ (NDP) دەپۋتاتى چارلي انگۋس قولداعان قول جيناۋ ناۋقانىنا مىڭداعان كانادالىق ازامات قاتىستى.

پرەمەر-مينيستر دجاستين تريۋدو وڭتۇستىك افريكادا دۇنيەگە كەلگەن ماسكتىڭ قوس ازاماتتىعىن جويۋعا جانە اناسى ارقىلى العان كانادا ازاماتتىعىنان ايىرۋعا شاقىردى.

پەتيتسيادا كاسىپكەر ماسك «بايلىعى مەن بيلىگىن كاناداداعى سايلاۋعا ىقپال ەتۋ ءۇشىن پايدالانادى» جانە «كانادا ەگەمەندىگىن جويۋعا تىرىساتىن شەتەلدىك ۇكىمەتتىڭ مۇشەسى» دەلىنگەن.

50 مىڭنان استام ادام قول قويعان پەتيتسيا 20-ماۋسىمدا قاۋىمدار پالاتاسىنا ۇسىنىلادى.

Kazinform ءۇشىن ارنايى Anadolu Ajansi سەرىكتەس اگەنتتىگى ۇسىنعان.

بۇعان دەيىن ترامپ 1-اقپاننان باستاپ ءۇش ەلدەن كەلەتىن تاۋارلارعا باج سالىعىن ەنگىزەتىنىن جازعان بولاتىنبىز. بۇعان جاۋاپ رەتىندە كانادا مەن مەكسيكا ا ق ش- قا قارسى باج سالىعىن ەنگىزبەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى