ەكۆادوردا تەلەستۋدياعا شابۋىل جاساۋ ءىسى بويىنشا جەتەكشى پروكۋرور اتىپ ءولتىرىلدى
استانا. KAZINFORM - ەكۆادورداعى تارتىپسىزدىكتەر كەزىندە Televisión تەلەارناسىنىڭ ستۋدياسىنا قارۋلى ادامداردىڭ كىرىپ كەتۋ ءىسىن تەكسەرگەن پروكۋرور گۋاياكيل قالاسىندا ءولتىرىلدى، دەپ جازدى تاسس اقپارات اگەنتتىگى.
پروكۋرور سەزار سۋارەس گۋاياكيلدىڭ سولتۇستىگىندە كولىكتە كەلە جاتقانىندا اتىپ ءولتىرىلدى. كولىككە كەم دەگەندە 20 رەت وق اتىلعان.
اتاپ وتىلگەندەي، ول وتكەن اپتادا Televisión تەلەارناسىنىڭ ستۋدياسىنا قارۋلى ادامداردىڭ كىرىپ، ونىڭ قىزمەتكەرلەرىن كەپىلگە الۋ فاكتىسىن تەكسەرىپ ءجۇردى.
«ەكۆادور پروكۋراتۋراسى ۇيىمداسقان قىلمىسقا قارسى كۇرەس جونىندەگى ۇلتتىق مامانداندىرىلعان بولىمشەنىڭ پروكۋرورى سەسار سۋارەستىڭ ولىمىنە قاتىستى رەسمي تەرگەۋدى باستادى»، - دەلىنگەن پروكۋراتۋرانىڭ حابارلاماسىندا.
ەكۆادوردا قاۋىپسىزدىك جاعدايى 7- قاڭتاردا «لوس-چونەروس» باندىسىنىڭ جەتەكشىسى فيتو تۇرمەدەن قاشىپ كەتكەننەن كەيىن ناشارلادى. وسىدان كەيىن ەلدەگى ءبىرقاتار تۇزەۋ مەكەمەلەرىندە تارتىپسىزدىكتەر ورىن العان. 8- قاڭتاردا نوبوا ەلدە توتەنشە جاعداي جاريالاپ، كومەندانتتىق ساعات ەنگىزدى.
