كابۋلداعى لاڭكەستىك ارەكەتتەن تالىپتەردىڭ ءبىر ءمينيسترى قازا تاپتى
استانا. KAZINFORM - اۋعانستانداعى «تاليبان» ۋاقىتشا ۇكىمەتىنىڭ بوسقىندار ءىسى جونىندەگى ءمينيسترى حاليل ۋر-راحمان حاككاني كابۋلداعى مەشىت الدىندا بولعان لاڭكەستىك ارەكەتتە قازا تاپتى. بۇل تۋرالى CNN حابارلادى.
حاككاني قۇجاتتارعا قول قويۋ كەزىندە جانكەشتى ءوزىن-ءوزى جارىپ جىبەرگەنى اتاپ ءوتىلدى. تاليبان وكىلىمەن بىرگە تاعى 6 ادام قازا تاپقان.
- اۋعانستاننىڭ بوسقىندار ءىسى جونىندەگى ءمينيسترى حاليل ۋر-راحمان حاككانيدىڭ جانكەشتى جاساعان شابۋىلدان قازا تاپقانى تۋرالى اقپارات راستالدى، - دەلىنگەن حابارلامادا.
حاككاني «تاليبان» بيلىككە ورالعاننان بەرى اۋعانستانداعى جارىلىستىڭ قۇربانى بولعان ەڭ جوعارى لاۋازىمدى شەنەۋنىك بولدى. ول 2021 -جىلدىڭ قىركۇيەگىندە اۋعانستاننىڭ بوسقىندار ءىسى جونىندەگى ءمينيسترى بولىپ تاعايىندالعان.
ەسكە سالا كەتەيىك، بۇعان دەيىن اۋعانستاندا شەنەۋنىكتەرگە سۋرەتكە تۇسۋگە جانە سۇحبات بەرۋگە تىيىم سالىنعانىن حابارلاعان ەدىك.
جاراسقان نۇرىبايەۆ
