ك س ر و حالىق ءارتيسى روزا باعلانوۆانىڭ بۇيىمدارى مۋزەيگە قويىلدى
استانا. KAZINFORM - حالىق قاھارمانى، قازاقستاننىڭ، ك س ر و حالىق ءارتيسى روزا باعلانوۆانىڭ ومىردەن قايتقانىنا بيىل 13 جىل. بۇلبۇل ءانشىنى ەسكە الۋ ءۇشىن الماتىداعى «اناعا قۇرمەت» مۋزەيى ونىڭ ۇرپاقتارىمەن كەزدەسۋ وتكىزدى.
ءىس-شاراعا قالا تۇرعىندارى مەن قوناقتارى قاتىستى. كەشكە روزا باعلانوۆانىڭ پروديۋسەرى بولعان قۋانىش ابدۋحاليموۆ، ءانشىنىڭ ۇلى مەن كەلىنى ارنايى شاقىرتىلدى. سونىمەن قاتار قاسكەلەڭ مادەنيەت كوللەدجىنىڭ ستۋدەنتتەرى اننەن شاشۋ شاشتى. جيىن بارىسىندا ءانشىنىڭ ۇلى تاجەن مەن كەلىنى مارال باعلانوۆالار «اناعا قۇرمەت» مۋزەيىنە اناسىنىڭ شاپانى مەن بورىگىن، ساحنالىق اياق كيىمى مەن 1980-1990 -جىلداعى شىققان كونسەرتىنىڭ افيشاسىن، سونىمەن بىرگە اۆتوبيوگرافيالىق كىتابىن تارتۋ ەتتى. مۋزەي قىزمەتكەرلەرى ريزاشىلىعىن ءبىلدىرىپ، بۇل اماناتتى مۋزەي قابىرعاسىنا قوياتىنىن ايتتى.
گۇلنار ءابىش،
«اناعا قۇرمەت» مۋزەيىنىڭ مەڭگەرۋشىسى
