ك ق ك جاسالعان درون شابۋىلى: قازاقستان ماسەلەنى ۋكراينامەن تالقىلايدى
استانا. KAZINFORM - قازاقستاننىڭ سىرتقى ىستەر مينيسترلىگى كاسپي قۇبىر كونسورتسيۋمىنىڭ مۇناي ايداۋ ستانساسىنا جاسالعان درون شابۋىلىنا قاتىستى تۇسىنىك بەردى.
- قازاقستان ەكونوميكاسى ءۇشىن وتە ماڭىزدى ماسەلە جانە ءبىز ارينە بۇل جاعدايدى ۋكراينالىق سەرىكتەستەرىمىزبەن ديپلوماتيالىق ارنالار ارقىلى تالقىلايتىن بولامىز، - دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ اگەنتتىك تىلشىسىمەن ۇيالى تەلەفونمەن حابارلاسۋ ارقىلى.
ايتا كەتسەك، 17- اقپاندا كاسپي قۇبىر كونسورتسيۋمىنىڭ «كروپوتكينسكايا» مۇناي ايداۋ ستانساسىنا درونمەن شابۋىل جاسالدى.
وسىدان كەيىن ەلىمىزدىڭ ەنەرگەتيكا مينيسترلىگى قازاقستان مۇنايى ءۇشىن ك ق ك تاراپىنان ەش شەكتەۋ جوقتىعىن، مۇنايدى قابىلداۋ شتاتتىق رەجيمدە جۇزەگە اسىرىلىپ جاتقانىن مالىمدەگەن ەدى.
الايدا، رەسەيلىك «ترانس نەفت» كومپانياسىنىڭ رەسمي سايتىندا بۇگىن جاريالانعان اقپاراتتا قازاقستان تاراپىنان مۇناي ايداۋ كولەمىنىڭ قىسقارۋى مۇمكىن ەكەندىگى ايتىلادى.
كەيىن ازاماتتىق نىساندارىنا شابۋىل جاساۋ فاكتىسى بويىنشا قىلمىستىق ءىس قوزعالدى.
كەشە ەنەرگەتيكا مينيسترلىگى كاسپي قۇبىر كونسورتسيۋمى ارقىلى مۇناي ايداۋدا شەكتەۋ جوقتىعىن جەتكىزدى.
اۆتور
داۋلەت ىزتىلەۋ
