ك ق ك ارقىلى قازاقستان مۇنايىن ايداۋ كولەمى قىسقارا ما

كاسپي قۇبىر كونسورتسيۋمىنىڭ «كروپوتكينسكايا» مۇناي ايداۋ ستانساسى درون شابۋىلىنا ۇشىراعاننان كەيىن ەلىمىزدىڭ ەنەرگەتيكا مينيسترلىگى قازاقستان مۇنايى ءۇشىن ك ق ك تاراپىنان ەش شەكتەۋ جوقتىعىن، مۇنايدى قابىلداۋ شتاتتىق رەجيمدە جۇزەگە اسىرىلىپ جاتقانىن مالىمدەگەن ەدى.

الايدا، رەسەيلىك «ترانس نەفت» كومپانياسىنىڭ رەسمي سايتىندا جاريالانعان اقپاراتتا قازاقستان تاراپىنان مۇناي ايداۋ كولەمىنىڭ قىسقارۋى مۇمكىن ەكەندىگى ايتىلادى.

- ك ق ك ماماندارىنىڭ پايىمىنشا، اتالعان سوققى سالدارى 1,5 ايدان 2 ايعا دەيىنگى ۋاقىتتا جويىلادى. بۇل قازاقستاننان مۇناي كولەمىن شامامەن 30 پايىزعا تومەندەتۋگە الىپ كەلۋى مۇمكىن، - دەلىنگەن كومپانيا اقپاراتىندا.

وسى جايتقا بايلانىستى ب ا ق وكىلدەرى ەلىمىزدىڭ ەنەرگەتيكا مينيسترلىگىنىڭ باسپا ءسوز قىزمەتىنە جۇگىنگەن ەدى. ۆەدومستۆو «قازىرگى ۋاقىتتا اتالعان ماسەلەنىڭ بارلىق ءمان-جايى انىقتالىپ جاتقانىن، اقپارات انىقتالعاندا بىردەن تۇسىنىكتەمە بەرىلەتىندىگىن العا تارتادى.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى