جۇگىڭىزدى جوعالتىپ الماۋ ءۇشىن نە ىستەۋ كەرەك؟

1. جولجۇگىڭىزدى جۇك رەتىندە وتكىزبەي، وزىڭىزبەن الىپ جۇرۋگە تىرىسىڭىز

ىشىندە باعالى زاتتارى بار جولجۇكتى جوعالتىپ الماۋدىڭ ەڭ ءتيىمدى جولى - ونى مۇلدە تىركەمەي، وزىڭىزبەن الىپ ءجۇرۋ. كوپتەگەن اۋە كومپانيالارى اۋىر قول جۇگىن الىپ كىرۋگە رۇقسات بەرەدى، سوندىقتان تەك ەڭ قاجەتتى زاتتاردى الىپ، جەڭىل جول جۇرۋگە تىرىسىڭىز.

2. كوپ كەزدەسە بەرمەيتىن سومكە تاڭداڭىز نەمەسە ەرەكشەلىك قوسىڭىز

سومكەڭىزدى باسقا ءجۇز قارا سومكەدەن وڭاي اجىراتۋعا كومەكتەسەتىن تاسىلدەردى قولدانىڭىز: اشىق ءتۇستى باۋ، ءتۇرلى-ءتۇستى تاسپا، ەرەكشە ستيكەرلەر - ءبارى دە بىردەن كوزگە تۇسۋگە سەپ.

3. AirTag نەمەسە سوعان ۇقساس قاداعالاۋ قۇرىلعىلارىن قولدانىڭىز

Apple كومپانياسىنىڭ AirTag قۇرىلعىسى كوپتەگەن جولاۋشىلار ءۇشىن جۇكتى باقىلاۋدىڭ سەنىمدى شەشىمىنە اينالدى. Bluetooth ارقىلى «Find My» جۇيەسىندە جۇمىس ىستەيتىن قۇرىلعى GPS-تەن دە ءتيىمدى بولىپ، سومكەڭىزدىڭ قايدا ەكەنىن ناقتى كورسەتىپ بەرە الادى.

4. سومكەڭىز جوعالسا، دەرەۋ حابارلاڭىز

ەگەر جۇكتەن ايرىلىپ قالساڭىز، بىردەن اۋەجايداعى قىزمەتكەرگە حابار بەرىڭىز. سىزدەن PIR (Property Irregularity Report) تولتىرۋدى سۇرايدى، بۇل - ىزدەۋ پروتسەسىن باستاۋ ءۇشىن قاجەت بىرەگەي تىركەۋ ءنومىرىن بەرەدى.

5. جوعالعان زاتتار قايدا كەتەدى؟

اۋە كومپانيالارى بىرنەشە اي بويى شاباداننىڭ يەسىن ىزدەيدى. ەگەر وسى ۋاقىت ىشىندە سومكەنى ەشكىم ىزدەپ كەلمەسە، اۋەكومپانيانىڭ ءوز ىشكى ەرەجەسىنە بايلانىستى ساتىلىمعا قويىلادى، قايىرىمدىلىققا بەرىلەدى نەمەسە قايتا وڭدەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى