جۇيەنى الداي المايسىڭ - ۇكىمەتتىڭ العاشقى كوشپەلى وتىرىسى ازىلدەن باستالدى
استانا. KAZINFORM - ۇكىمەتتىڭ كوشپەلى وتىرىسىندا سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ مەملەكەتتىك قىزمەتتەردى ونلاين كورسەتۋگە جاساندى زەيىندى قالاي ەنگىزىپ جاتقانىن باياندادى.
جاساندى زەيىننىڭ مەملەكەتتىك قىزمەت الۋشىمەن ونلاين رەجيمدە قالاي تىلدەسەتىنىن ءىس جۇزىندە كورسەتكەن مينيستر مىسال رەتىندە ءوز سيفرلىق قولتاڭباسى ارقىلى نەكەنى تىركەۋگە ءوتىنىم بەرۋدىڭ جولىن كورسەتپەك بولعان. الايدا جاساندى زەيىن دەرەكتەر بازاسىنان ءمينيستردىڭ بۇعان دەيىن نەكەگە تۇرعانىن انىقتاپ، ءوتىنىم قابىلداۋدان باس تارتتى.
- ال ءسىز تىركەۋدەن ءوتىپ كەتەمىن دەپ ۇمىتتەندىڭىز بە؟ - دەپ ازىلدەدى پرەمەر-مينيستر ولجاس بەكتەنوۆ.
جاسلان ماديەۆ ۇكىمەت باسشىسىنىڭ ازىلىنە ازىلمەن جاۋاپ قاتتى:
- جۇيەنى الداي المايسىڭ.
ايتا كەتەيىك، eGov جۇيەسىندە ۆيرتۋالدى كومەكشى پايدا بولدى. ۇكىمەتتىڭ كوشپەلى وتىرىسىندا سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ وسىنداي مالىمەت كەلتىردى.
اۆتور
ەسىمجان ناقتىباي
