جىلقى، تۇيە، قوي-ەشكى ءۇشىن 280 رەت پويىزدى توقتاتۋعا ءماجبۇر بولدى
استانا. KAZINFORM - جىل باسىنان بەرى 6000 نان اسا ادام تەمىرجولدى كەسىپ وتكەنى ءۇشىن جاۋاپقا تارتىلدى، - دەپ حابارلايدى Aikyn.kz.
كولىكتەگى پوليتسيا دەپارتامەنتىنىڭ مالىمەتىنشە، وتكەن اپتادا كولىكتەگى پوليتسيا دەپارتامەنتىندە 5 ادامدى پويىز قاعىپ كەتكەنى تۋرالى فاكتى تىركەلدى. اتاپ ايتقاندا، سولتۇستىك قازاقستان، جامبىل، تۇركىستان، قىزىلوردا جانە اقتوبە وبلىسىندا جازاتايىم وقيعا بولدى.
دەپارتامەنت باستىعىنىڭ ءبىرىنشى ورىنباسارى ماديار ايتۋعانوۆتىڭ ايتۋىنشا، ءۇش فاكتى بويىنشا ادامدار تەمىرجول بويىندا جاراقات السا، ەكەۋى ولىممەن اياقتالادى.
كولىكتەگى پ د قىزمەتكەرلەرى تەمىرجول اپاتىن ازايتۋ ءۇشىن تۇرعىندارمەن كەزدەسۋ وتكىزىپ تۇرادى. ناتيجەسىندە، بالالاردى قاعىپ كەتۋدىڭ بىردە-ءبىر فاكتىسى تىركەلگەن جوق. دەسەك تە، كەيبىر ازاماتتار پويىز جولدىڭ بويىندا قاۋىپسىزدىك ەرەجەسىن ساقتامايدى.
مىسالى، بيىل ازاماتتار 6179 رەت پويىز جولدى رۇقساتسىز كەسىپ وتكەن. تەمىرجولدان وتكەن مال ءۇشىن 280 رەت پويىزدى شۇعىل تەجەۋگە ءماجبۇر بولعان.
بيىل 5-29-اقپان ارالىعىندا كولىكتەگى پ د قىزمەتكەرلەرى تەمىرجول ماڭايىندا قاۋىپسىزدىك ەرەجەلەرىن ءتۇسىندىرۋ ماقساتىندا «قاۋىپسىز جول!» ءىس-شاراسىن وتكىزىپ جاتىر.
