جىل باسىنان بەرى 5,2 تريلليون تەڭگە زەينەتاقى مەن جاردەماقى تولەندى
استانا. KAZINFORM - رەسپۋبليكالىق بيۋجەت بويىنشا 20,8 تريلليون تەڭگەگە شىعىستار جۇرگىزىلدى، مۇندا الەۋمەتتىك باعىتتىڭ باسىمدىعى ساقتالىپ قالدى. بۇل تۋرالى قارجى ۆيتسە-ءمينيسترى ەرجان ءبىرجانوۆ ۇكىمەت وتىرىسىندا باياندادى.
ونىڭ ايتۋىنشا، مەملەكەتتىك بيۋجەتتىڭ شىعىستارى %94 عا، رەسپۋبليكالىق بيۋجەتتىڭ شىعىستارى - %96 عا جەرگىلىكتى بيۋجەتتەردىڭ شىعىستارى %92 عا اتقارىلدى.
− مەملەكەت نەگىزگى الەۋمەتتىك مىندەتتەمەلەرگە: زەينەتاقى مەن جاردەماقىعا - 5,2 تريلليون تەڭگە، وڭىرلەرگە سۋبۆەنتسيالارعا - 4,8 تريلليون تەڭگە، مىندەتتى مەديتسينالىق ساقتاندىرۋ قورىنا - 1,6 تريلليون تەڭگە جۇمسادى، − دەپ ءتۇسىندىردى ۆيتسە-مينيستر.
سونىمەن بىرگە، جەرگىلىكتى بيۋجەتتەردىڭ شىعىستارى 13 تريلليون تەڭگەنى قۇراعان. شىعىستاردىڭ نەگىزگى ۇلەسى الەۋمەتتىك سالاعا - 6,6 تريلليون تەڭگە، تۇرعىن ءۇي-كوممۋنالدىق شارۋاشىلىققا - 1,9 تريلليون تەڭگە، كولىك جانە كوممۋنيكاتسياعا - 1,2 تريلليون تەڭگە، اۋىل شارۋاشىلىعىنا - 750 ميلليارد تەڭگە باعىتتالعان.
ايتا كەتەيىك، بيىلعى 11 ايدا مەملەكەتتىك بيۋجەتكە 19 تريلليون تەڭگە ءتۇستى نەمەسە جوسپار 90 پايىزعا ورىندالدى. جوسپاردىڭ تولىق ورىندالماۋى سالىقتار بويىنشا تۇسىمدەردىڭ ازايۋىنا بايلانىستى بولعان.
