جىل باسىنان بەرى 52 ادام ورتتەن مەرت بولدى - ت ج م
استانا. KAZINFORM - جىل باسىنان بەرى ەلىمىزدە 1 مىڭنان استام ءورت شىعۋ فاكتىسى تىركەلدى. بۇل تۋرالى توتەنشە جاعدايلار مينيسترلىگى ورتكە قارسى قىزمەت كوميتەتى ءتوراعاسىنىڭ مىندەتىن اتقارۋشى ەرلان تورەگەلديەۆ ءمالىم ەتتى.
- مينيسترلىك ورتكە قارسى بەلسەندى پروفيلاكتيكالىق جۇمىستى جالعاستىرىپ جاتىر، اسىرەسە قىس مەزگىلىندە، ياعني جىلۋ ماۋسىمىندا ءورت قاۋپى ارتا تۇسەدى. ءورتتىڭ نەگىزگى سەبەپتەرى - پەشتىڭ اقاۋلىعى، جىلىتۋ قۇرىلعىلارىن دۇرىس پايدالانباۋ جانە ەلەكتر جەلىلەرىنىڭ شامادان تىس جۇكتەلۋى. 2025 -جىل باستالعالى ەل اۋماعىندا تۇرعىن ءۇي سەكتورىندا 1138 ءورت شىقتى، ءتىلسىز جاۋدان 313 ادام قۇتقارىلدى. قايعىلى اپات تا بولدى، 52 ادام ورتتەن قازا بولدى، ونىڭ ىشىندە 6 بالا كوز جۇمدى، - دەدى ەرلان تورەگەلديەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ودان بولەك، سپيكەردىڭ ايتۋىنشا، ورتتەن 50 ادام ءتۇرلى جاراقات العان، ونىڭ ىشىندە 8 بالا بار.
- 22 -قاڭتاردا س ق و شال اقىن اۋدانى ستۋپەنكو اۋىلىندا تۇرعىن ۇيدەن ءورت شىعىپ اكەسى مەن 4 بالا قازا تاپتى. ءورت ەلەكتر قۇرالدارىنىڭ قىسقا تۇيىقتالۋىنان بولدى. 2 -قاڭتاردا جەتىسۋ وبلىسىنىڭ تەكەلى قالاسىندا تۇرعىن ۇيدە پەشتى دۇرىس ورناتپاۋ سەبەبىنەن ءورت شىعىپ، 3 ادام قازا تاپتى، - دەيدى ول.
اۆتور
داۋلەت ىزتىلەۋ
