جىل باسىنان بەرى 145 مىڭنان اسا جولاۋشى «كۇتۋ پاراعى» قىزمەتىن پايدالانعان
استانا. قازاقپارات - 2024 -جىلدىڭ العاشقى 9 ايىندا 145 مىڭنان استام جولاۋشى bilet.railways.kz سايتىنداعى «كۇتۋ پاراعى» قىزمەتىن پايدالانىپ، تەمىرجول بيلەتتەرىن ساتىپ الدى، دەپ حابارلايدى ق ت ج باسپا ءسوز قىزمەتى.
وسى ارالىقتا جولاۋشىلارعا 430 مىڭنان استام بوس ورىن ۇسىنىلعان.
قىزمەت بيلەتتى ساتىلىمدا بولماعان كەزدە ساتىپ الۋ ءۇشىن كەزەككە تۇرۋعا مۇمكىندىك بەرەدى، جونەلتىلگەنگە دەيىن 7 كۇن بۇرىن 1 ساعات بۇرىن قول جەتىمدى.
قىزمەتتى پايدالانۋ ءۇشىن سايتتا تىركەلىپ، «كۇتۋ پاراعى» وپتسياسىن تاڭداپ، ءوتىنىمدى مارشرۋت جانە قۇجات دەرەكتەرىمەن تولتىرۋ قاجەت.
بوس ورىن تۋرالى حابارلاما جەكە كابينەتكە جانە س م س ارقىلى كەلەدى.
ەگەر كاسسير 30 سەكۋند ىشىندە 5 بىردەي سۇراۋ سالسا، بيلەت ساتۋ جۇيەسى بۇعاتتالادى. ءۇش بىردەي سۇراۋدان كەيىن باعدارلاما كاسسيردى 5 مينۋتقا بۇعاتتالاتىنى جايلى ەسكەرتەدى. وسىلايشا، بوس ورىنداردى «ۇستاپ الۋعا» مۇمكىندىك بولمايدى، - دەپ ەسكەرتتى كومپانيا.
قىزمەتتى «جولاۋشىلار تاسىمالى» ا ق بيلەت كاسساسىندا دا رەسىمدەۋگە بولادى.
بۇعان دەيىن حابارلاعانىمىزداي، ق ت ج جەلىسىندە مۇمكىندىگى شەكتەۋلى جاندارعا ارنالعان كۋپەسى بار 95 ۆاگون قاتىنايدى.
سونىمەن قاتار، ق ت ج قىتايدان قازاقستانعا اۆتوموبيل تاسىمالداي باستايتىنى حابارلاندى.
اۆتور
ەربول جانات
