جىل باسىنان بەرى 12 مىڭعا جۋىق بالا قىزىلشا اۋرۋىن جۇقتىرعان
ەلىمىزدە جىل باسىنان بەرى 12 مىڭعا جۋىق بالا قىزىلشا اۋرۋىن جۇقتىرعان. ونىڭ %80 ى 14 جاسقا تولماعان بالالار، دەپ حابارلايدى Kazinform.
وتكەن اپتامەن سالىستىرعاندا قىزىلشا جۇقتىرعاندار سانى بىردەن %30 عا ارتقان. ناۋقاستاردىڭ %80 ى ۆاكتسينا الماعان. اسىرەسە، الماتى، جامبىل وبلىستارى مەن شىمكەنت، الماتى، اقتوبە قالالارىندا اۋرۋ دەندەپ تۇر.
قىزىلشا اۋرۋىنىڭ العاشقى بەلگىلەرى: قۇرعاق جوتەل، جوعارى تەمپەراتۋرا، باس اۋرۋى، جۇرەك اينۋ، كوزدىڭ شىرىشتى قابىعىنىڭ قىزارۋى، السىزدىك جانە تابەتتىڭ جوعالۋى، اۋىز قۋىسىندا اق بورتپەلەردىڭ پايدا بولۋى. ال قىزىل بورتپەلەر قۇلاق، مويىن ايماعىنان باستالىپ دەنەگە بىرتىندەپ شىعادى.
قىزىلشا جەلشەشەككە قاراعاندا اۋىر جانە ەستۋ قابىلەتىنىڭ تومەندەۋى اكەلۋى مۇمكىن. سونداي- اق اۋرۋ ورشىسە ناۋقاس برونحيت، پنيەۆمونيا، وتيت، ەنتسەفاليت، ەنتەروكوليت، مەنينگيتكە شالدىعادى. قىزىلشانى ەمدەۋگە ارنالعان ارنايى پرەپاراتتار جوق. ناۋقاستىڭ جاعدايىنا قاراي تەك سيمپتوماتيكالىق ەم جۇرگىزەلدى.
قىزىلشانىڭ الدىن- الۋ نەگىزگى جانە ەڭ ءتيىمدى ءادىسى - ۆاكسيناتسيا. پروفيلاكتيكالىق ەگۋلەردىڭ ۇلتتىق كۇنتىزبەسىنە سايكەس قىزىلشاعا قارسى جوسپارلى ەكپە 12-15 ايلىق سابيلەرگە جانە 6 جاسىندا قايتادان جۇرگىزىلەدى. ۆاكتسيناتسيادان كەيىنگى يممۋنيتەت - igg انتيدەنەلەرى قاندا 10 جاستان 18 جاسقا دەيىن ساقتالادى. قىزىلشاعا قارسى يممۋنيتەتتىڭ كۇشىن باقىلاۋ ءۇشىن ەرەسەكتەر 5 -جىل سايىن قىزىلشاعا قارسى igg انتيدەنەلەرىنىڭ دەڭگەيىن تەكسەرىپ وتىرۋى قاجەت.
بۇگىندە ەلىمىزدە قىزىلشاعا قارسى قوسىمشا ۆاكتسينا سالىنىپ جاتىر. ۆاكتسيناتسيا جەرگىلىكتى ەمحانالاردا جۇرگىزىلەدى. قىزىلشانىڭ باستى بىلگەلەرى مەن ەم جولدارى تۋرالى تولىق مالىمەتتى ««Jibek Joly» ارناسىنداعى «ءبىزدىڭ دارىگەر» حابارىنىڭ 07.11.23 كۇنگى سانىنان كورە الاسىزدار.
