جومارت كەنىشىندەگى قايعىلى وقيعا: قازا تاپقانداردىڭ اتى-جوندەرى جاريالاندى

جاقىندا اۆاريالىق-قۇتقارۋ توپتارى قيراعان تاۋ- كەن ۇيىندىلەرىنىڭ استىنان 7 كەنشىنىڭ دەنەسىن شىعاردى:

قازا بولعانداردىڭ ءتىزىمى:

1. اقشالوۆ قايرات امانبەك ۇلى، 1975 -جىلى تۋعان، سورعى قوندىرعىلارىنىڭ ماشينيسى؛

2. جاقىبايەۆ ارداق بورانباي ۇلى، 1998 -جىلى تۋعان، جەر استى ۋچاسكەسىنىڭ تاۋ-كەن شەبەرى؛

3. جۇمادۋللايەۆ باقىتبەك نىشان ۇلى، 1975 -جىلى تۋعان، جەر استى تاۋ- كەن جۇمىسشىسى:

4. كەنجەبەكوۆ ورىنبەك ءامىرحان ۇلى، 1991 -جىلى تۋعان، تيەۋ- جەتكىزۋ ماشيناسىنىڭ ءماشينيسى؛

5. مولدابەكوۆ عالىمجان ەسەنبەك ۇلى، 1978 -جىلى تۋعان، شپۋر بۇرعىلاۋشىنىڭ كومەكشىسى،

6. نۇرۋلدايەۆ ولجاس جاعالباي ۇلى، 1979 -جىلى تۋعان، جەر استى ۋچاسكەسىنىڭ ەنەرگەتيگى،

7. روجكوۆ كونستانتين ۆلاديميروۆيچ، 1992 -جىلى تۋعان، جەراستى تاۋ-كەن قازۋ جابدىقتارىنىڭ ەلەكتر سلەسار- مونتاجشىسى.

وسىعان دەيىن حابارلانعانداي، «قازاقمىس» قازا تاپقانداردىڭ وتباسىلارىنا جۇمىسكەردىڭ ورتاشا جىلدىق جالاقىسىنىڭ 10 ەسەسىن، سونداي-اق جەرلەۋ ءراسىمىن ۇيىمداستىرۋعا 2 ميلليون تەڭگەدەن استام قارجى تولەيدى.

وسىعان دەيىن ۇلىتاۋ وبلىسىنداعى شاحتادا اپات بولىپ، 7 ادام توتەنشە جاعدايدا قالعانى تۋرالى جازدىق. رەسمي دەرەككە قاراعاندا، شاحتادا تاۋ ماسساسى قۇلاعان.

وقيعاعا بايلانىستى ۇكىمەتتىك كوميسسيا قۇرىلدى، ونى پرەمەر-ءمينيستردىڭ ورىنباسارى قانات بوزىمبايەۆ باسقارادى.

ۇلىتاۋ وبلىسى ت ج د جۇمىسكەرلەردىڭ ءتىزىمىن جاريالادى.

«قازاقمىس» كورپوراتسياسىنىڭ حابارلاۋىنشا، الدىن الا مالىمەتكە سايكەس كورپوراتسيا كەنىشتەرىنە ءتان ەمەس تابيعي گازدىڭ جارىلىسى بولعان.

«جومارت» كەنىشىندە كوز جۇمعان جەتى جۇمىسشىنىڭ دا دەنەسى تابىلدى. توتەنشە جاعدايلار مينيسترلىگى باسپا ءسوز قىزمەتىنىڭ حابارلاۋىنشا، جۇمىسشىلاردىڭ دەنەسى جوعارىعا كوتەرىلىپ، سوت- مەديتسينالىق ساراپتاما جۇرگىزۋ ءۇشىن پوليتسيا قىزمەتكەرلەرىنە تاپسىرىلدى.

پرەزيدەنت قاسىم-جومارت توقايەۆ «قازاقمىس» كورپوراتسياسىنىڭ ۇلىتاۋ وبلىسىنداعى كەنىشىندە تاۋ ماسساسىنىڭ قۇلاۋى سالدارىنان قازا بولعان جۇمىسشىلاردىڭ تۋعان-تۋىستارى مەن جاقىندارىنا كوڭىل ايتۋ جەدەلحاتىن جولدادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى