جولدان وتۋگە كەدەرگى كەلتىرىپ تۇرعان كولىك يەسىنە قالاي قابارلاسا الاسىز
استانا. KAZINFORM - ەلىمىزدە كولىك يەلەرىنە ارنالعان جاڭا سيفرلىق قىزمەت ىسكە قوسىلدى.
قازاقستاندا كولىك يەلەرىنە حابارلاما جىبەرۋ ءۇشىن جاڭا سيفرلىق قىزمەت ىسكە قوسىلدى. بۇل تۋرالى ۇكىمەت وتىرىسىندا سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ مالىمدەدى.
ءمينيستردىڭ سوزىنشە، بۇل جالپىعا ورتاق جولداردا قاۋىپسىزدىك پەن ىڭعايلىلىقتى قامتاماسىز ەتەدى.
«ەگەر تەرەزەسى اشىق قالعان نەمەسە وتۋگە كەدەرگى كەلتىرىپ تۇرعان كولىكتى بايقاساڭىز، مەملەكەتتىك ءنومىردى تەرىپ، قاجەت تەتىكتى تاڭداساڭىز جەتكىلىكتى. كولىك يەسىنە انونيمدى حابارلاما جىبەرىلەدى. بۇل سەرۆيس ءوزارا كومەكتەسۋدىڭ ءارى ازاماتتىق جاۋاپكەرشىلىكتىڭ قۇرالىنا اينالادى دەپ سەنەمىز»، - دەدى جاسلان ماديەۆ.
