جوعارعى سوتتىڭ سۋدياسى مەيرامبەك تايمەردەنوۆ قىزمەتىنەن بوساتىلدى

ياعني م. تايمەردەنوۆ سۋديا لاۋازىمىندا بولۋدىڭ شەكتى جاسىنا تولۋىنا بايلانىستى ونى قىزمەتىنەن بوساتۋ ماسەلەسى قارالدى.

ونىڭ سۋديا رەتىندە بۇل سالاداعى تاجىريبەسى مول. كەيىنگى 4 جىل بويى جوعارعى سوتتىڭ سۋدياسى بولدى.

پالاتا دەپۋتاتتارى اتالعان ۇسىنىسقا قولداۋ ءبىلدىردى.

جوعارعى سوت سۋدياسى مەيرامبەك تايمەردەنوۆتى سۋديا لاۋازىمىندا بولۋدىڭ شەكتى جاسىنا تولۋىنا بايلانىستى سۋديا قىزمەتىنەن بوساتۋدى ۇسىنادى.

ەسكە سالساق، مەيرامبەك تايمەردەنوۆ 2019 -جىلى جوعارعى سوت سۋدياسى بولىپ سايلانعان ەدى.

م. تايمەردەنوۆ 1958 -جىلى تۋعان، زاڭگەر. ءوزىنىڭ ەڭبەك جولىن زاڭگەر ماماندىعى بويىنشا 1983 -جىلى الماتى وبلىسى قاسكەلەڭ اۋداندىق حالىق سوتىنىڭ سوت ورىنداۋشىسى قىزمەتىنەن باستادى.

1993 -جىلدان 1997 -جىلعا دەيىن پروكۋراتۋرا ورگاندارىندا قىزمەت ىستەدى.

1997 -جىلى ءساۋىر ايىندا الماتى وبلىسى جامبىل اۋداندىق سوتىنىڭ سۋدياسى بولىپ تاعايىندالدى. 1999 -جىلى الماتى وبلىستىق سوتىنىڭ سۋدياسى.

2001-2005 -جىلدارى ادىلەت مينيسترلىگى تىركەۋ قىزمەتى كوميتەتىنىڭ ءتوراعاسى.

2006 -جىلى ق ر جوعارعى سوتىنىڭ جانىنداعى سوت اكىمشىلىگى جونىندەگى كوميتەت ءتوراعاسىنىڭ ورىنباسارى قىزمەتىنە كەلدى.

2007-2012 -جىلدارى الماتى وبلىستىق سوتىنىڭ ءتوراعاسى. 2012 -جىلدىڭ ناۋرىزىنان باستاپ الماتى قالالىق سوتىنىڭ ءتوراعاسى.

2013 -جىلعى جەلتوقساننان الماتى وبلىستىق سوتىنىڭ ءتوراعاسى لاۋازىمىندا بولدى.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى