جوعارعى سوت ءتوراعاسى مىندەتتەمەنى ورىندامايتىن ينۆەستورلاردى پاراساتتى بولۋعا شاقىردى

- بىلتىر استانانىڭ اكىمشىلىك سوتى ينۆەستيتسيا ىستەردىڭ تەك 17 پايىزىندا عانا ينۆەستوردىڭ تالابىن قاناعاتتاندىرمايتىن شەشىم شىعاردى. اقشاعا شاقساق، ەلوردانىڭ اكىمشىلىك سوتى عانا 100 ميلليارد تەڭگە كولەمىندە ينۆەستورلاردىڭ قۇقىعىن قورعاپ قالدى. سوتتار ىستەردى قاراعان كەزدە كەيبىر شەنەۋنىكتەردىڭ ۇستىنەن دە شارا قولدانىپ، تارتىپتىك جازا تاعايىندادى. بيزنەسكە، ينۆەستورلارعا دا پاراساتتىلىق تانىتىپ، زاڭدى ساقتاۋ قاجەت. سوتتار ينۆەستورلاردىڭ ەكولوگيالىق كەلىسىمشارت، كەلىسىم مىندەتتەمەلەرى بويىنشا زاڭ بۇزعانىن تىركەپ وتىر، - دەدى جوعارعى سوت ءتوراعاسى ينۆەستيتسيالىق فورۋمدا.

ونىڭ سوزىنشە 2021-2023-جىلدارى استانانىڭ اكىمشىلىك سوتىنا ينۆەستورلاردان 288 شاعىم تۇسكەن. ال 2024-جىلى 152 ءىس قارالعان.

- بۇل ونىڭ الدىنداعى 2,5 جىلداعى كورسەتكىشتىڭ جارتىسىنان كوپ، - دەدى اسلامبەك مەرعاليەۆ.

ايتا كەتەيىك، استانادا جوعارعى سوتتىڭ ۇيىمداستىرۋىمەن ينۆەستيتسيالىق فورۋم ءوتىپ جاتىر. وعان ءتيىستى سالا باسشىلارىمەن بىرگە پرەمەر-ءمينيستردىڭ ءبىرىنشى ورىنباسارى رومان سكليار، ەۋروپالىق وداقتىڭ قازاقستانداعى ۋاقىتشا سەنىمدى وكىلى ماچەي مادالينسكي قاتىسىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى