جەتىسۋدا جول اپاتىنان 4 ادام قايتىس بولدى
تالدىقورعان. KAZINFORM - الماتى- وسكەمەن تاس جولىنىڭ 271-شاقىرىمىندا جول كولىك وقيسى بولدى. 4 ادام كوز جۇمدى.
جەتىسۋ وبلىسى پوليتسيا دەپارتامەنتىنىڭ مالىمەتىنشە، اۋدي اۆتوكولىگىنىڭ جۇرگىزۋشىسى رولگە يە بولا الماي، جولدىڭ ورتاسىندا تۇرعان اعاشقا سوعىلعان. اپات سالدارىنان جۇرگىزۋشى مەن 3 جولاۋشى وقيعا ورنىندا قازا تاپتى، تاعى ءبىر جولاۋشى ءتۇرلى جاراقاتتارمەن اۋرۋحاناعا جەتكىزىلدى.
- اتالعان فاكتى بويىنشا قىلمىستىق ءىس تىركەلىپ، تەرگەۋ جۇرگىزىلۋدە. پوليتسيا جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا، جىلدامدىق رەجيمىن بۇزباۋعا جانە جولدا اسا مۇقيات بولۋعا شاقىرادى، - دەلىنگەن جەتىسۋ وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان حابارلامادا.
ەسكە سالايىق وسىعان دەيىن جەتىسۋ وبلىسىندا جول بويىنداعى تەمىر قورشاۋعا سوعىلىپ كولىك جۇرگىزۋشىسىنىڭ مەرت بولعانىن جانە اقمولادا پوليتسەيلەر ينسۋلت العان جۇرگىزۋشىنى قۇتقارىپ قالعانىن جازعانبىز.
