جەتىسۋ وبلىسىنىڭ جولدارىن Ekin patrol باقىلايدى
جەتىسۋ وبلىسىندا ەرەجە بۇزعانداردى اۆتوماتتى تۇردە انىقتاپ، ايىپپۇل سالاتىن ارنايى قوندىرعىسى بار اۆتوكولىكتەر جولعا شىقتى، دەپ حابارلايدى Kazinform.
«ekin patrol» دەپ اتالاتىن جاڭا قۇرىلعى - توڭىرەكتى 360 گرادۋسقا دەيىن شولىپ، وزىنەن 70 مەترگە دەيىنگى قاشىقتاعى اۆتوكولىكتىڭ ءنومىرىن جازىپ الۋعا قابىلەتتى 14 كامەراسى بار «اقىلدى» جۇيە.
بۇگىننەن باستاپ وسى قوندىرعىمەن جابدىقتالعان 3 اۆتوكولىك جەتىسۋ وبلىسىنىڭ جولدارىنداعى جۇمىسىن باستادى.
- بۇگىننەن باستاپ Ekin patrol ورناتىلعان 1 پاترۋل كولىگى قالا ىشىندە، ەكەۋى وبلىس اۋماعىندا جول ءتارتىبىن باقىلاپ ءجۇر. ەندى اۆتوكولىك يەلەرىنىڭ جولدا ابايلاپ قوزعالۋىنا تۋرا كەلەدى. جاڭا پاترۋل جول بويىندا دۇرىس قويىلماعان كولىكتى دە، جولداعى رەتتەۋ جولاعىنان اسىپ كەتكەن نەمەسە باعدارشامنىڭ قىزىل شامىنا ءوتىپ كەتكەن اۆتوكولىكتەردى دە ءتۇسىرىپ الادى، - دەيدى جەتىسۋ وبلىسى پوليتسيا دەپارتامەنتى تاراتقان اقپاراتتا.
جالپى ەندى جول ەرەجەسىن بۇزاتىندار ازايۋى مۇمكىن. ويتكەنى كولىك جۇرگىزۋشىلەرىنىڭ كوبى جول بويىندا، ءبىر ورىندا ءىلىنىپ تۇرعان كامەرالاردىڭ ماڭىندا عانا ەرەجە ساقتايتىنى جاسىرىن ەمەس.
ال جىلجىمالى كامەرا ەرەجە بۇزۋ ءساتىن كەز كەلگەن جەردەن باقىلاي الادى ەكەن. دەمەك، ەندى كولىك تىزگىنىن ۇستاعاندار جولدا اباي بولىپ، ەرەجە ساقتاپ جۇرەتىن بولدى.
