جەتىسۋ وبلىسىنىڭ 8 مەكتەبىنەن قىزىلشا وشاعى انىقتالدى
جەتىسۋ وبلىسىندا قىزىلشامەن اۋىرعاندار سانى ازايماي وتىر. جۇقپالى دەرت بالالار اراسىندا ءورشىپ تۇر، دەپ حابارلايدى Kazinform.
وبلىستىق سانيتارلىق- ەپيدەميولوگيالىق قاداعالاۋ دەپارتامەنتىنىڭ مالىمەتىنشە، وڭىردە قىزىلشامەن اۋىرعان ناۋقاستىڭ سانى 345 ادامعا جەتكەن.
ونىڭ ىشىندە 15 مەكتەپ وقۋشىسى بار.
ايماقتاعى 8 مەكتەپتەن جانە تاعى 8 مەكتەپكە دەيىنگى تاربيە بەرۋ ۇيىمىنان جۇقپالى دەرتتىڭ وشاعى انىقتالعان
- سىرقات تانۋدىڭ جوعارى دەڭگەيى تالدىقورعان قالاسىندا، الاكول، پانفيلوۆ اۋداندارىندا بايقالادى. قازىر جۇقپالى اۋرۋ 8 مەكتەپتە تىركەلىپ، 15 وقۋشى اۋىرىپ جاتىر. سونداي- اق 8 مەكتەپكە دەيىنگى تاربيە ۇيىمىنداعى 10 بالادان قىزىلشا بەلگىسى تابىلدى. وڭىردە قىزىلشاعا قارسى جاپپاي قوسىمشا يممۋنداۋ ءجۇرىپ جاتىر، - دەيدى جەتىسۋ وبلىسى سانيتارلىق- ەپيدەميولوگيالىق قاداعالاۋ دەپارتامەنتى باسشىسىنىڭ ورىنباسارى ينديرا كۇنباسوۆا.
