جەتىسۋ وبلىسىندا كاسىپكەرلەرگە تيەسىلى 50 ميلليون تەڭگەدەن استام قاراجات قايتارىلدى
استانا. KAZINFORM - پروكۋرورلار 160 تان استام كاسىپكەردىڭ قۇقىعىن قورعاپ، ولارعا ورىندالعان شارتتار بويىنشا ءتيىستى اقشالاي قاراجاتىن قايتارىپ بەردى. بۇل تۋرالى جەتىسۋ وبلىسىنىڭ پروكۋراتۋراسى مالىمدەدى
«مەملەكەتتىك ساتىپ الۋ تۋرالى زاڭنامانىڭ تالاپتارىنا سايكەس، ەنگىزىلگەن كەپىلدىك سومالار كاسىپكەرلەرگە ءوز مىندەتتەمەلەرىن ورىنداعاننان كەيىن بىردەن قايتارىلۋى ءتيىس بولاتىن. الايدا وبلىستىڭ مەديتسينالىق مەكەمەلەرى مىندەتتەمەلەردىڭ ۋاقتىلى ورىندالۋىنا قاراماستان، ءبىر جىلدان استام ۋاقىت ىشىندە 50 ميلليون تەڭگە كولەمىندە تيەسىلى اقشانى قايتارماعان»، — دەلىنگەن حابارلامادا.
قاداعالاۋ اكتىسى بويىنشا كاسىپكەرلەرگە قاراجات قايتارىلدى، ال زاڭ بۇزۋشىلىقتارعا جول بەرگەن لاۋازىمدى 30 ازامات جاۋاپقا تارتىلدى.
