جەتىسۋ وبلىسىندا كاسىپكەردى قورقىتىپ جارتى ميلليون قاراجاتىن قاعىپ العان توپتىڭ جولى كەسىلدى
جەتىسۋ. KAZINFORM — جەتىسۋ وبلىسىندا پروكۋراتۋرانىڭ ۇيلەستىرۋىمەن قۇقىق قورعاۋ ورگاندارى كاسىپكەرلەردى قورقىتىپ، اقشا بوپسالاپ الىپ جۇرگەن توپتىڭ ارەكەتىنە جەدەل تۇردە توسقاۋىل قويدى.
بۇل تۋرالى جەرگىلىكتى پروكۋراتۋرانىڭ باسپا ءسوز قىزمەتى ءمالىم ەتتى.
پروكۋرورلاردىڭ مالىمەتىنشە، اتالعان توپ مۇشەلەرى الدىن الا ءسوز بايلاسۋ ارقىلى ارەكەت ەتىپ، كاسىپكەردى مۇلىكتى ورتەپ جىبەرەمىز دەگەن جەلەۋمەن قورقىتىپ، جابىرلەنۋشىنىڭ جارتى ميلليون تەڭگە كولەمىندەگى قاراجاتىن يەمدەنگەن.
«سوتقا دەيىنگى تەرگەپ- تەكسەرۋ ناتيجەلەرى بويىنشا قىلمىستىق ءىس سوتقا جىبەرىلدى» - دەلىنگەن حابارلامادا.
الاكول اۋداندىق سوتى پروكۋراتۋرانىڭ دالەلدەرىن قولداپ، جاسالعان قىلمىستىڭ اۋىرلىعى مەن سيپاتىن ەسكەرە وتىرىپ، كىنالىلەردى ق ر ق ك- ءنىڭ 189 بابىنىڭ 3 -بولىگىنە سايكەس 4 جىلعا باس بوستاندىعىنان ايىردى.
ۇكىم زاڭدى كۇشىنە ەنگەن جوق.
جەتىسۋ وبلىسىنىڭ پروكۋراتۋراسى ازاماتتار مەن كاسىپكەرلەردى قورقىتىپ، اقشا تالاپ ەتكەن فاكتىلەر بولعان جاعدايدا ءوز قۇقىقتارىن قورعاۋ ءۇشىن دەرەۋ زاڭ ورگاندارىنا حابارلاۋعا شاقىرادى.
